श्रीगोंदे : कोरोनाचा फटका बसलेल्या लिंबूउत्पादक शेतकऱ्यांना नागविण्याचा उद्योग येथे सुरू असतानाच, कालच्या आणि आजच्या लिंबांच्या दरात दुपटीचा फरक दिसून आला. अनेक गावांत दर दहा रुपये किलो होता. त्यामुळे शेतकऱ्यांचा मोठा फायदा झाला. 

आवश्‍य वाचा कुकडीच्या पाण्यात श्रीगोंदेकरांची नाकेबंदी नेमकी कोणाच्या इशाऱ्यावरून 

तालुक्‍यात लिंबूबागा असलेल्या सामान्य शेतकऱ्यांना काही दिवस लुटण्याचा उद्योग सुरू होता. कोरोनाच्या लॉकडाउन काळात तर स्थानिक लिंबांचे दर व शहरातील दर यांमध्ये तीन ते चार पट फरक पडत होता. त्यातच गेल्या चार दिवसांपासून 18 रुपये किलोची लिंबे पाच रुपयांवर आणून काही व्यापाऱ्यांनी शेतकऱ्यांना पुरते नामोहरम करण्याचा प्रयत्न चालविला होता. आज "सकाळ'ने त्याला छेद देत व्यापाऱ्यांची ही साखळी उघड केली. 

हेही वाचा मान्सून पूर्वीच अकोल्यातील हे धरण झालय ओव्हरफ्लो 

अनेक गावांतील व्यापाऱ्यांनीही आज कालच्यापेक्षा जवळपास दुप्पट दर देत, लिंबूव्यवसायात काही तरी काळेबेरे आहे, यावर शिक्कामोर्तबच केले. आज बहुतेक ठिकाणी लिंबे दहा रुपये किलोने खरेदी केली जात होती. त्यामुळे श्रीगोंद्यातील शेतकऱ्यांचा एका दिवसात काही लाखांचा फायदा झाला. लिंबांचा दर सायंकाळी समजल्यानंतर अनेक शेतकऱ्यांनी सोशल मीडियावर "सकाळ'चे अभिनंदन करणाऱ्या पोस्ट टाकल्या. 

आवश्‍य वाचा संगमनेरात कोरोनामुळे हदरा... तीन महिलांचा मृत्यू... पाच जण पुन्हा बाधित 

गावोगावी लिंबे खरेदी करणारी शेतकऱ्यांचीच मुले आहेत. त्यांनी वरच्या व्यापाऱ्यांना मनमानी करू देऊ नये. शेतकऱ्यांच्या कष्टाच्या पैशांची लूट न करता नेहमी दोन्ही बाजूंचा फायदा पाहणारा व्यवसाय करावा. 
- महेंद्र माळी, तहसीलदार 
 
तालुक्‍यात बहुतेक ठिकाणी दहा रुपये दर असताना आढळगाव परिसरात मात्र आजही आठ रुपयांनीच लिंबे खरेदी केली जात होती. लिंबूव्यापाऱ्यांची ही लूट थांबली नाही, तर शेतकरी उद्‌ध्वस्त होईल. 
- वैशाली जमदाडे, ग्रामपंचायत सदस्य, आढळगाव 

लिंबूव्यापाऱ्यांनी शेतकऱ्याच्या ताटातील अन्न ओढून घेण्याचा प्रयत्न करू नये. नफा कमावताना अशा मार्गाने जाण्याऐवजी शेतकऱ्यांनाही या नफ्यात भागीदार करून घेतले, तर या व्यापाऱ्यांना शेतकऱ्यांचे आशीर्वाद मिळतील. 
- टिळक भोस, जिल्हाध्यक्ष, संभाजी ब्रिगेड