नगर ः शहरासह जिल्ह्यात कोरोनाचा वेग भलताच वाढत असताना दुसरीकडे कोरोनावर मात करणाऱ्यांची संख्या कमालीची वाढली आहे. तब्बल 90 वर्षांच्या वयाच्या वृद्धांनीसुद्धा कोरोनावर मात करून आपण कोरोनाला हरवू शकतो, हे दाखवून दिले आहे. आज आणखी 21 जण कोरोनामुक्त झाल्याने जिल्ह्यातील बरे होणाऱ्यांची संख्या 333वर पोचली आहे. 

हेही वाचा ः गुड न्यूज ः नगरमध्ये "ईएसआयसी'धारकांना 25 रुग्णालयात मिळणार आरोग्य सेवा 

मार्च महिन्यापासून कोरोनाचा प्रकोप सुरू झाला. जिल्ह्यात 12 मार्चला पहिला रुग्ण आढळला. लॉकडाऊनच्या पहिल्या, दुसऱ्या, तिसऱ्या टप्प्यात कोरोनाची परिस्थिती नियंत्रणात होती. मात्र, चौथ्या टप्प्यात लॉकडाऊनचे बंधने सैल केल्याने परजिल्ह्यातून येणाऱ्या नागरिकांमुळे कोरोनाचा प्रसार झपाट्याने वाढत गेला. त्यात मुंबई-पुणे येथील कनेक्‍शन जिल्ह्याला चांगलेच भवले आहे. याही परिस्थितीत नगरच्या आरोग्य यंत्रणेला मानावेच लागेल, त्यांनी अहोरात्र सेवा बजावून बाधितांना कोरोनाच्या महामारीपासून सुखरुप बचावले. 

अवश्‍य वाचा ः व्हिडिओ ः तेरी मेरी यारी "गंगी'-"भागी'ची जमलीय गट्टी... 

जिल्ह्यात आजअखेर कोरोनाची संख्या झपाट्याने वाढत असून 500वर जाऊन पोचली आहे. त्यातील तब्बल 333 रुग्णांना कोरोनावर विजय मिळवला आहे. आज कोरोनामुक्त झालेल्यांमध्ये नगर नऊ, संगमनेर सात, श्रीरामपूर दोन, राहाता, पारनेर, नगर तालुक्‍यातील प्रत्येकी एकाचा समावेश आहे.