जामखेड (अहमदनगर) : कोविडचा फैलाव रोखण्यासाठी गावोगावी आढळणाऱ्या कोरोना रुग्णांच्या संपर्कातील व्यक्तींचा शोध घेऊन कोरोना साखळी खंडित करण्यासाठी गटशिक्षणाधिकारी नागनाथ शिंदे ऍक्टिव्ह रोलमध्ये आले आहेत. त्यांनी तालुक्यातील जिल्हा परिषद शाळेच्या सर्व मुख्याध्यापकांना लेखी पत्राद्वारे शाळेवर थांबण्याचे निर्देश दिले आहेत.
जामखेड तालुक्यात कोरोनाचा वाढता फैलाव रोखण्यासाठी तहसिलदार विशाल नाईकवाडे, गटविकास अधिकारी पी. पी. कोकणे, तालुका आरोग्य अधिकारी डॉ. सुनील बोराडे, वैद्यकीय अधीक्षक संजय वाघ, पोलिस निरीक्षक संभाजी गायकवाड हे प्रशासकीय अधिकारी तत्परतेने काम करीत असून शिक्षण विभागही यामध्ये माघे नाही.
अवैध वाळूउपसा होऊ देणार नाही : डॉ. सुजय विखे पाटील
गटशिक्षणाधिकारी शिंदे यांनी कोरोनाच्या पार्श्वभूमीवर जिल्हा परिषद प्राथमिक शाळेच्या शिक्षकांना सातही दिवस मुख्यालय न सोडण्याच्या तसेच शाळेवर थांबण्याच्या लेखी सूचना देऊन कामकाजाचे स्वरूप दिले आहे. तसेच गावात आढळणाऱ्या कोरोना रुग्णांच्या संपर्कातील वीस व्यक्तींचा शोध घेऊन त्यांना तपासण्यांसाठी तपासणी सेंटरला पाठविण्याच्या सूचना दिल्या आहेत. मागील लॉकडाऊनच्या काळात गटशिक्षणाधिकारी नागनाथ शिंदे आणि त्यांच्या कर्मचाऱ्यांनी चांगले काम केले होते. तालुक्यातील कोरोनाचा फैलाव वाढत असून स्थिती भयावह होऊ लागली आहे. मदतीसाठी शिक्षकांनी पुढे यावे यासाठी गटशिक्षणाधिकारी शिंदे यांनी लेखी पत्रद्वारे शिक्षकांना सूचना केल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.