नगर ः बारावीच्या परीक्षेत नगर जिल्ह्याचा निकाल 91.97 टक्के लागला. नेहमीप्रमाणे मुलीच सरस ठरल्या. त्यांची पास होण्याची टक्केवारी 96.12 आहे. मुलांची टक्केवारी 88.93 राहिली. मागील वर्षी बारावीचा जिल्ह्याचा निकाल 85.15 टक्के लागला होता. यंदा त्यात 6 टक्‍क्‍यांनी वाढ झाली. जिल्ह्यात कर्जत तालक्याने निकालात आघाडी घेतली आहे. तर सर्वात शेवटी श्रीरामपूर राहिले.

कोरोनामुळे यंदा दहावी-बारावीचे निकाल जाहीर होण्यास उशीर लागला. जिल्ह्यातील एकूण 63 हजार 811 पैकी 63 हजार 513 जणांनी बारावीची परीक्षा दिली. त्यातून 58 हजार 412 विद्यार्थी उत्तीर्ण झाले. त्यातही 32 हजार 631 मुले, तर 25 हजार 791 मुलींचा समावेश आहे. 
विज्ञान शाखेत 33 हजार 723 पैकी 33 हजार 774 जणांनी परीक्षा दिली. त्यातून 33 हजार 4 उत्तीर्ण (98 टक्के) झाले.

हेही वाचा - नेवाशात जाताय पण त्याआधी हे वाचा

कला शाखेतील 19 हजार 614 पैकी 19 हजार 417 जणांनी परीक्षा दिली. त्यात 15 हजार 653 उत्तीर्ण (80.61) झाले. वाणिज्य शाखेत 9 हजार 368 पैकी 8 हजार 857 विद्यार्थी उत्तीर्ण (94.55) झाले. 
जिल्ह्यात पुनःपरीक्षार्थी 2967 पैकी 2961 जणांनी परीक्षा दिली. त्यात 810 उत्तीर्ण (27.36) झाले. 

कॉपीबहाद्दर नापास 
बारावीच्या परीक्षेत कॉपी करताना आढळून आलेले 104 विद्यार्थी नापास झाले. नापास विद्यार्थ्यांची सुनावणी लॉकडाउन काळात नगरला झाली. त्यात एकालाही क्‍लीन चीट मिळालेली नाही. 

शाखेनिहाय निकाल 
विज्ञान शाखा ः 
एकूण परीक्षार्थी ः 33674 
एकूण उत्तीर्ण ः 33004 
टक्केवारी ः 98.01 

कला शाखा 
एकूण परीक्षार्थी ः 19417 
एकूण उत्तीर्ण ः 15653 
टक्केवारी ः 80.61 

वाणिज्य शाखा 
एकूण परीक्षार्थी ः 9368 
एकूण उत्तीर्ण ः 8857 
टक्केवारी ः 94.55 

व्होकेशनल अभ्यासक्रम 
एकूण परीक्षार्थी ः 1054 
एकूण उत्तीर्ण ः 898 
टक्केवारी ः 85.20 

तालुकानिहाय निकाल 
अकोले ः 89.36 
जामखेड ः 94.52 
कर्जत ः 95.75 
कोपरगाव ः 89.38 
नगर ः 91.59 
नेवासे ः 89.98 
पारनेर ः 93.71 
पाथर्डी ः 94.22 
राहाता ः 92.52 
राहुरी ः 89.22 
संगमनेर ः 94.60 
शेवगाव ः 94.57 
श्रीगोंदे ः 90.34 
श्रीरामपूर ः 85.32 

संपादन - अशोक निंबाळकर