राहुरी (अहमदनगर) : देवळाली प्रवरा येथे मुसमाडेवस्तीवर वनखात्याने मागील आठवड्यात पिंजरा लावला होता. त्यात रविवारी पहाटे चार वाजता नर जातीचा दोन वर्षांचा बिबट्या अडकला. त्यास वन विभागाच्या डिग्रस येथील रोपवाटिकेत हलविण्यात आले आहे.
ग्रामस्तरावरील 'दक्षता समित्या' कागदावरच
देवळाली प्रवरा भागात मागील अनेक दिवसांपासून बिबट्याचा वावर होता. त्याने परिसरातील शेळ्या व कुत्री ठार केली होती. त्यामुळे परिसरातील नागरिकांत भीतीचे वातावरण होते. नागरिकांच्या मागणीवरून वन विभागाने मागील आठवड्यात डॉ. तनपुरे साखर कारखान्यासमोरून देवळाली प्रवराकडे जाणाऱ्या रस्त्यावरील बाबासाहेब मुसमाडे (रा. देवळाली प्रवरा) यांच्या शेतात पिंजरा लावला होता.
शनिवारी रात्री दहा वाजता अक्षय मुसमाडे यांनी बिबट्याची डरकाळी ऐकली होती. आज सकाळी बिबट्या पिंजऱ्यात अडकल्याचे त्यांच्या निदर्शनास आले. त्यांनी ही माहिती वनविभागाला दिली. बिबट्याला पाहण्यासाठी परिसरातील नागरिकांनी मोठी गर्दी केली होती. वन विभागाच्या पथकाने या बिबट्यास डिग्रस येथील रोपवाटिकेत हलविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.