protesting workers of tanpure sugar factory put black oil on face of pravara factory official  Sakal
अहिल्यानगर

तनपुरे कारखाना कामगारांनी फासले प्रवरेच्या कर्मचाऱ्याच्या तोंडाला काळे

विलास कुलकर्णी

राहुरी (जि. नगर) : डॉ. बाबुराव बापुजी तनपुरे सहकारी साखर कारखान्याच्या आंदोलक कामगारांनी आज (गुरुवारी) प्रवरा कारखान्याच्या एका अधिकाऱ्याच्या तोंडाला काळे ऑइल फासले. यापुढे प्रवरेचा अधिकारी, कर्मचारी कारखाना व संलग्न संस्थेत आढळले, तर काळ्या ऑइलने अंघोळ घातली जाईल. असा इशारा कामगारांनी दिला.

वेतन व इतर २५ कोटी ३६ लाखांच्या थकित मागणीसाठी तनपुरे कारखान्याच्या कामगारांच्या आंदोलनाचा आजचा अकरावा दिवस गाजला. काल (बुधवारी) तनपुरे साखर कारखान्याच्या आंदोलक कामगारांनी प्रवरेच्या अधिकारी व कर्मचाऱ्यांना 'चले जाव' इशारा दिला होता. तरी, आज (गुरुवारी) सकाळी अकरा वाजता प्रवरेचा एक जण विवेकानंद नर्सिंग होम येथे कामासाठी आल्याची माहिती समजताच संतप्त आंदोलकांनी नर्सिंग होमकडे धाव घेतली. सुमारे दीडशे आंदोलक कामगारांनी नर्सिंग होमचा कानाकोपरा तपासला. प्रवरा कारखान्याचे अकाऊंट विभागातील अविनाश खर्डे यांना कामगारांनी बाहेर काढले. त्यांच्या अंगावर काळे ऑइल ओतण्यासाठी एक आंदोलक कामगार पुढे सरसावला. परंतु, कामगार नेते इंद्रभान पेरणे, सचिन काळे, सिताराम नालकर व इतरांनी संतप्त कामगारांना शांत केले. प्रवरेला संदेश देण्यासाठी खर्डे यांच्या फक्त तोंडाला काळे ऑइल फासावे. असे संतप्त कामगारांना समजावले. खर्डे यांना काळे ऑइल फासल्यावर त्यांना तात्काळ निघून जाण्यास सांगण्यात आले.

आंदोलनाकडे दुर्लक्ष करणारे कारखान्याचे सर्वेसर्वा खासदार डॉ. सुजय विखे व कारखान्याच्या संचालक मंडळाचा निषेध करून, कामगारांनी शेवटचा रुपया घेईपर्यंत आंदोलन मागे घेणार नाही. असा इशारा दिला. उद्या (शुक्रवारी) सकाळी अकरा वाजता कामगारांच्या मुलांनी राहुरी तहसील कार्यालयासमोर धरणे आंदोलनाचा इशारा दिला आहे. त्यामुळे, आंदोलनाचे दिवस वाढत आहेत. तसतसा कामगारांची व त्यांच्या कुटुंबातील सदस्यांची सहनशीलता संपू लागली आहे. त्यामुळे, आंदोलनाची तीव्रता दिवसागणिक वाढत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

आळंदीत इंद्रायणीच्या घाटावर छटपूजा; उत्तर भारतीयांची मोठी गर्दी

Maharashtra Crime: कीर्तन करून मठात परतले, सकाळी खोलीत आढळला महाराजांचा मृतदेह; मोबाईल गायब असल्याने गूढ वाढले, नेमकं काय घडलं?

Latest Marathi News Update : उरणमध्ये प्लॅटिनम लॉजिस्टिक गोदामाला भीषण आग; स्फोटांच्या आवाजाने परिसर हादरला, धुरामुळे रहिवाशांना श्वसनाचा त्रास

Sunil Tatkare Controversy : महायुतीत वादाची ठिणगी? दळवींच्या वक्तव्याशी शिवसेनेचा संबंध नाही, तटकरेंवरील टीकेनंतर एकनाथ शिंदेंनी दिली समज; उदय सामंत यांचं मोठं विधान

Nagpur Air Pollution: पंचमीच्या फटाक्यांनी नागपूरचा श्वास कोंडला ; रामनगर, महालची हवा सर्वाधिक दूषित; पीएम २.५ चे प्रमाण ४३६ वर

SCROLL FOR NEXT