कोपरगाव : आरोग्य विभाग व प्रशासनाच्या सामूहिक प्रयत्नातून कोरोनाला प्रतिबंध घालण्यात यश मिळाले. कोरोनाला हद्दपार करण्यासाठी प्रत्येक सरपंचाने गावपातळीवर उपाययोजना कराव्यात. अडचण आल्यास तातडीने संपर्क साधा, अशी सूचना आमदार आशुतोष काळे यांनी केली. 

हेही वाचा नगरमध्ये मद्यवार उजाडला अन्‌ दारूची दुकाने उघडली 

पंचायत समिती कार्यालयात सरपंचाच्या बैठकीत ते बोलत होते. काळे म्हणाले, की अंगणवाडीसेविका, आशासेविका व मदतनिसांच्या साहाय्याने नागरिकांच्या आरोग्य तपासणीसाठी सहकार्य करावे. एकही नागरिक आरोग्य तपासणीतून सुटता कामा नये. नोकरी-व्यवसायानिमित्त परजिल्हा किंवा परराज्यात असलेल्या येथील नागरिकांना परत आणण्यासाठी यंत्रणा कार्यान्वित केली आहे. बाहेरगावावरून येणाऱ्या नागरिकांची आरोग्य तपासणी काळजीपूर्वक करावी. 

आवश्‍य वाचा तोतया पोलिस बनून नगरच्या महिलेची मुशाफिरी 

\बाहेरगावांतून येथे येणाऱ्या नागरिकांची तपासणी केल्यानंतरच त्यांना गावात प्रवेश द्यावा. जिल्हाधिकाऱ्यांच्या सूचनेनुसार "कोविड-19 समिती' स्थापन करा. प्रत्येक गावात तरुणांचे ग्रामसुरक्षा दल स्थापन करा. सोशल डिस्टन्सिंगला प्राधान्य द्या, असे आवाहन काळे यांनी केले. 

हेही वाचा उत्तरप्रदेशात अडकलेले 16 विद्यार्थी नगरमध्ये दाखल 

पंचायत समिती सभापती पौर्णिमा जगधने, उपसभापती अर्जुन काळे, जिल्हा परिषद सदस्य सुधाकर दंडवते, सोनाली रोहमारे, पंचायत समिती सदस्य अनसूया होन, अनिल कदम, गटविकास अधिकारी दिलीप सोनकुसळे आदी उपस्थित होते.