राळेगणसिद्धी (अहमदनगर) : पारनेर तालुक्यात कोरोनाने पुन्हा एकदा डोके वर काढले आहे. भविष्यात लॉकडाउन टाळायचे असेल, तर नियमांचे काटेकोरपणे पालन करून प्रशासनाला सहकार्य करा, असे मत तहसीलदार ज्योती देवरे यांनी 'सकाळ'शी बोलताना व्यक्त केले.
तालुक्यात कोरोनाचे रुग्ण वाढत आहेत. तसेच राळेगणसिद्धी येथे लॉकडाउन करण्यात आले आहे. त्या पार्श्वभूमीवर त्यांनी आज राळेगणसिद्धीत भेट देऊन येथील परिस्थितीचा आढावा घेतला. त्या म्हणाल्या, तालुक्यात कोरोनाच्या रुग्णांची संख्या वाढत आहे. नागरिकांनी गाफील न राहता नियमांचे पालन करावे. अन्यथा मागील वर्षीपेक्षाही भयावह चित्र समोर येऊ शकते. दुकाने, हॉटेल व इतर अस्थापना बंद होऊ शकतात. त्यामुळे पुन्हा लॉकडाउनची परिस्थिती निर्माण होऊ नये, याकरिता प्रत्येकाने काळजी घ्यावी. ग्रामसेवक राजेंद्र कंदलकर, डॉ. अपूर्वा वाघमारे यांना त्यांनी विविध सूचना केल्या.
मागील काही दिवसांत राळेगणसिद्धी येथील कोरोना रुग्णांची संख्या वाढली आहे. त्यामुळे बसस्थानकापासून 200 मीटरचा परिसर पुढील 14 दिवसांसाठी प्रतिबंधक क्षेत्र म्हणून जाहीर करण्यात आला आहे. बॅंक, सोसायटी, पतसंस्था आदी कार्यालये सुरू राहतील.
- ज्योती देवरे, तहसीलदार, पारनेरयेथील सर्वच कोरोनाबाधित उपचार घेवून बरे झाले आहेत. तसेच अगोदर सापडलेल्या रुग्णांव्यतिरिक्त नवीन रुग्णांची कुठलीही नोंद झालेली नाही. गावातील दुकाने बंद ठेवली, तर व्यावसायिकांचे मोठे आर्थिक नुकसान होणार आहे. ते गावाला परवडणारे नाही.
- जयसिंग मापारी, माजी सरपंच, राळेगणसिद्धी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.