श्रीरामपूर (अहमदनगर) : तालुक्‍यातील माळवाडगाव, मुठेवाडगाव, खानापूर, कारेगावसह परिसरातील अनेक शेतकऱ्यांकडून एका व्यापाऱ्याने सोयाबीन, मका, हरभरा खरेदी केले होते. मात्र, हा व्यापारी रविवारी मध्यरात्री माळवाडगाव येथून कुटुंबासह पसार झाल्याने शेतकऱ्यांनी डोक्‍याला हात लावला आहे. सोमवारी नेहमीप्रमाणे व्यापाऱ्याने दुकान उघडले नाही. नंतर हा व्यापारीच पसार झाल्याचे समोर आल्यावर शेतकऱ्यांनी संताप व्यक्त केला. 

अहमदनगरच्या बातम्यांसाठी येथे क्लिक करा 

याबाबत शेतकरी नानासाहेब आसणे, रावसाहेब आसणे, मंगलबाई शिंदे, विजय कुदळे, सोपान नाईक यांच्यासह तालुक्‍यातील 10-15 शेतकऱ्यांनी तालुका पोलिस ठाण्यात चंदन ट्रेडिंग कंपनीचा मालक रमेश रामलाल मुथा व मुन्नाशेठ ऊर्फ गणेश रामलाल मुथा यांच्याविरोधात तक्रार दिली. व्यापाऱ्यास कडक शासन करण्याच्या मागणीचे निवेदन आमदार लहू कानडे, अपर पोलिस अधीक्षक डॉ. दीपाली काळे, पोलिस उपअधीक्षक संदीप मिटके, पोलिस निरीक्षक मसूद खान यांना दिले. 

हे ही वाचा : भाजपचे राळेभात रोहित पवारांसोबत, जाहीरपणे केली घोषणा

माळवाडगाव परिसरात काही वर्षांपूर्वी मुथा याने किराणा व्यवसाय सुरू केला. सोबतच तो परिसरातील धान्य खरेदी करू लागला. अनेक शेतकऱ्यांना विश्वासात घेऊन लाखो रुपयांचे सोयाबीन, मका, हरभरा त्याने खरेदी केला. शेतमाल वजन करून ताब्यात घ्यायचा. बाजारभाव वाढल्यानंतर सामानाची  रक्कम देण्याचे आमिष दाखवून त्याने लाखो रुपयांचे सामान येथील अंबिका सहकारी पतसंस्थेच्या गोदामात तारण ठेवून 75 टक्के रक्कम घेतली. 

हे ही वाचा : 'हिरकणी'वर 'लाल परी'च भारी; निमआराम गाड्यांकडे पाठ फिरवत प्रवाशांची पसंती

प्रारंभी काही शेतकऱ्यांना चढ्या भावाने पैसे देऊन मुथा याने शेतकऱ्यांचा विश्वास संपादित केला. पैसे देताना ते बॅंकेत ठेवण्याऐवजी आपण एक टक्का वाढवून देतो. केवळ महिन्याला व्याजाचे पैसे देण्याचे आमिष त्याने दाखविले. त्यात अनेकांची लाखो रुपयांची फसवणूक झाली.