Jayakwadi Dam  sakal
अहिल्यानगर

जायकवाडीचा पाणीसाठा ४३ टक्क्यांवर; यंदा धरण भरण्याची शक्यता कमीच

सकाळ डिजिटल टीम

शेवगाव (जि. नगर) : पाणलोट क्षेत्रात दमदार पाऊस न झाल्याने जायकवाडी धरणात (Jayakwadi Dam) पाण्याची आवक मंदावली आहे. धरणातील पाणीसाठा ४३.६६ टक्क्यांवर पोचला आहे. पावसाळ्याचे उर्वरित दिवस लक्षात घेता, पाण्याची आवक न वाढल्यास धरण यंदा शंभर टक्के भरण्याची शक्यता कमीच आहे. पाथर्डी व शेवगाव तालुक्यांत दोन दिवस झालेल्या जोरदार पावसामुळे नद्यांना आलेल्या पुरामुळे जायकवाडी धरणसाठ्यात १.०७ टक्क्याने वाढ झाली आहे.


जायकवाडी धरणाच्या पाण्यावर तालुक्याच्या उत्तर भागातील शेतीसह शेवगाव-पाथर्डी व ५६ गावे, शहरटाकळी व १८ गावे, तसेच हातगाव व २२ गावे, अशा महत्त्वाच्या पाणीयोजना अवलंबून आहेत. त्यामुळे जायकवाडी धरणातील पाणीसाठ्याकडे मराठवाड्यासह शेवगाव, पाथर्डी व नेवासे तालुक्यांचे लक्ष लागून असते. यंदा तालुक्यात व धरणाच्या पाणलोट क्षेत्रात समाधानकारक पाऊस नसल्याने पाण्याची आवक कमी होत आहे. मुळा, भंडारदरा, निळवंडे, गंगापूर, दारणा यांसह मोठे अनेक प्रकल्प अद्याप शंभर टक्के भरलेले नाहीत. त्यामुळे सध्या अवघी तीन हजार १६५ क्यूसेक पाण्याची आवक सुरू आहे. धरणात आज (गुरुवारी) पाणीपातळी एक हजार ५०९.९० फूट व ४६०.०२६ मीटर असून, एकूण पाणीसाठा एक हजार ६८६.१३२ दशलक्ष घनमीटर व जिवंत पाणीसाठा ९४८.०२६ दशलक्ष घनमीटर इतका आहे. सध्या धरणात ४३.६६ टक्के पाणीसाठा आहे. गेल्या दोन दिवसांत शेवगाव व पाथर्डी तालुक्यांत झालेल्या दमदार पावसामुळे जायकवाडी जलाशयाच्या पाणीपातळीत १.०७ टक्क्याने वाढ झाली आहे.


जायकवाडी धरणाच्या पाणलोट क्षेत्रात पावसाचे प्रमाण कमी असल्याने, धरणात येणाऱ्या पाण्याची आवक मंदावली आहे. शेवगाव-पाथर्डी तालुक्यांत झालेल्या पावसामुळे दोन दिवसांत टक्केवारी वाढली. मात्र, सप्टेंबरअखेरपर्यंत धरण पाणलोट क्षेत्रात दमदार पाऊस झाल्यास हे धरण भरू शकते.
- प्रशांत जाधव, कार्यकारी अभियंता, जायकवाडी धरण, पैठण

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

आळंदीत इंद्रायणीच्या घाटावर छटपूजा; उत्तर भारतीयांची मोठी गर्दी

Maharashtra Crime: कीर्तन करून मठात परतले, सकाळी खोलीत आढळला महाराजांचा मृतदेह; मोबाईल गायब असल्याने गूढ वाढले, नेमकं काय घडलं?

Latest Marathi News Update : उरणमध्ये प्लॅटिनम लॉजिस्टिक गोदामाला भीषण आग; स्फोटांच्या आवाजाने परिसर हादरला, धुरामुळे रहिवाशांना श्वसनाचा त्रास

Sunil Tatkare Controversy : महायुतीत वादाची ठिणगी? दळवींच्या वक्तव्याशी शिवसेनेचा संबंध नाही, तटकरेंवरील टीकेनंतर एकनाथ शिंदेंनी दिली समज; उदय सामंत यांचं मोठं विधान

Nagpur Air Pollution: पंचमीच्या फटाक्यांनी नागपूरचा श्वास कोंडला ; रामनगर, महालची हवा सर्वाधिक दूषित; पीएम २.५ चे प्रमाण ४३६ वर

SCROLL FOR NEXT