बुलडाणा : बुलडाणा - बोथा - खामगाव मार्ग ३० जानेवारी ते २८ फेब्रूवारी दरम्यान ३० दिवस बंद राहणार आहे.

विदर्भाची वनपंढरी म्हणून ओळख असलेल्या ज्ञानगंगा अभयारण्यातून जाणाऱ्या रस्त्याच्या नुतनीकरण व मजबुतीकरणाच्या कामाला मान्यता मिळाली आहे. सध्या जंगलातील रस्त्याचे काम करायचे असल्याने आणि वाहनांना खाली उतरवुन वन विभागाच्या हद्दीतुन जाण्यास परवानगी नसल्याने हा रस्ता बंद करण्यात येत आहे.

हेही वाचा - प्रेमात आंधळा झालेल्या प्रियकरचा असाही प्रताप, धक्कादायक पाऊल उचलल्याने पोलिसांच्याही डोक्याला ताप

कंत्राटदाराने यासाठी ३० दिवसांचे नियोजन केले असून ३० जानेवारी ते २८ फेब्रूवारी दरम्यान बुलडाणा- बोथा- खामगाव मार्ग बंद करून हा मार्ग बुलडाणा- वरवंड- उंद्री- खामगाव या पर्यायी मार्गाने वळविण्यात आल्याचे आदेश जिल्हाधिकारी यांनी निर्गमित केले आहे.

हेही वाचा - शंकरपाळ्या अन् कारल्याच्या भांडणात छोट्या भावाची एन्ट्री, वाद मिटणार की आणखी वाढणार?

खामगाव - बोथा - बुलडाणा या मार्गावर रात्री १० ते सकाळी ५ या वेळात कायम वाहतूक बंद होती. आता २८ फेब्रुवारीनंतर सुध्दा रात्री हा मार्ग बंदच राहणार आहे. त्यासंबधीचा आदेश जुलै २०५ मध्येच झालेला आहे. पुढील एक महिना बुलडाणा ते खामगाव रस्त्यावरील वाहतूक बंद करुन बुलडाणा-वरवंड-उंद्री-खामगांव या पर्यायी मार्गाने वाहतूक वळविण्यात येत आहे.

(संपादन - विवेक मेतकर)

क्लिक करा - अकोला जिल्ह्यातील बातम्या