Akola Marathi News Ghatbori mother leaves unborn daughter unattended, police search for unaccompanied babys parents in three hours 
अकोला

माता न तू वैरणी, पती की बाळ सुरू होती जीवाची घालमेल, वाचा पुढे काय झाले

संतोष अवसरमोल

घाटबोरी (जि.बुलडाणा)  : वाशीम जिल्ह्यातील चांडस येथील जेमतेम पंचविशितला पवन आणि मुर्तिजापूर जवळ असणाऱ्या खिरपूर येथील बाविशीतील तरूणी सुवर्णा बावणे हे दोघेही पुणे येथे नानापेठ येथे कामाला होते. योगायोगाने त्यांची  तेथेच त्यांची जवळीक झाली. 

पुढे, 25 डिसेंबर 2019 मध्ये पुणे येथील येरवडा येथे रितसर आंतरजातीय प्रेम विवाह झाला. त्यानंतर सुवर्णाने 19 सप्टेंबर 2020 ला चिमुकल्या शिवान्याला जन्म दिला.

मात्र, पुढे जे घडले ते भयानक होते....

25 डिसेंबरला दुचाकीने पुण्यावरून  मालेगाव तालुक्यातील चांडसला निघाले असताना अचानक रात्रीच्या वेळी दोघांमध्ये शाब्दिक बाचाबाची झाली.

त्यानंतर मेहकरमध्ये तीन-चार तास वेळ काढून त्यानंतर पवन हरिदास ताकतोडे व सुवर्णा बावणे यांनी पवनचा मावसभाऊ विनोद इंगळे रा.पांगरखेड येथे दुचाकीवर रात्री चार वाजता थंडीत कुडकुडत पोहचले.

विनोदच्या घराचे दरवाजे त्यावेळी बंद असल्याने, पवनने पत्नीला व चिमुकल्या मुलीला दारात सोडून दुचाकीवर पळ काढला.

आई सुवर्णाने आपल्या काखेतील निरागस चिमुकली शिवान्याला विनोद इंगळेच्या दारात बेवारस सोडून पतीच्या मागे सैरावैरा पळत सुटली.

दोघांच्या शाब्दिक वादात निरागस चिमुकली शिवान्या जेमतेम तीन महिन्याची थंडीत कुडकुडत रडत होती. 

सकाळचे सहा वाजतात,

घरमालक विनोद इंगळे व आई शोभा मधुकर इंगळे यांना दारात बेवारस बाळाच्या रडण्याचा आवाज आल्याने एकदम खळबळ उडते. 

हे बेवारस बाळ कुणाचे आहे. त्यामुळे गावातील सर्व नागरिक एकत्र होत गेले. परंतु, बेवारस बाळाच्या आई वडिलांचा शोध लागत नसल्याने फोनवर डोणगाव पोलिस स्टेशनला माहिती दिल्या गेली.

ठाणेदार दीपक पवार यांच्या मार्गदर्शनात पोलिस उपनिरीक्षक शिवाजी राठोड, सहायक पो.उपनिरीक्षक अशोक झोरे, सहायक पो.उपनिरीक्षक अशोक नरुटे, महिला पोलिस कॉ.हर्षा खिल्लारे, पोलिस नाईक अजिस परसुवाले, विकास राऊत,नानाभाऊ काकड,अकतार शेख, नितीन खराडे,विष्णू जायभाये,यांनी पागरखेड गाठून बेवारस बाळाला ताब्यात घेऊन डोणगाव पोलिस स्टेशनला आणले.

तातडीने ठाणेदार दीपक पवार यांनी तपासचक्र फिरवून अवघ्या तीन तासात बेवारस बाळाच्या आई- वडिलांचा शोध घेतला. शोध घेऊन बेवारस बाळाची आई सुवर्णा नारायण बावणे (ताकतोडे)व वडील पवन हरिदास ताकतोडे यांना ताब्यात घेऊन अधिक तपास केला असता या बेवारस बाळाचे आई- वडील असल्याची खात्री केली व चिमुकल्या शिवान्या नामक बाळाला आई सुवर्णा नारायण बावणे व वडील पवन हरिदास ताकतोडे यांच्या ताब्यात दिले.


 पोलिस स्टेशनमध्ये केली व्यवस्था
बेवारस तीन महिन्याचे बाळ साठी  पोलिस स्टेशन मध्ये झोका,बांधण्यात आला असता,या बाळाच्या आई वडीलाचा शोध लागेपर्यंत या बाळाला झोक्यामध्ये टाकून महिला पोलिस कॉ,हर्षा खिल्लारे, उपपोलिस निरीक्षक शिवाजी राठोड स्वत:हा बाळाला झोका देत होते हे एक विशेष....

बेवारस तीन महिन्याची मुलगी ही पांगरखेड येथे आढळल्याची अशी माहिती मिळाली. त्यानंतर बाळाला आम्ही ताब्यात घेऊन पोलिस स्टेशनला आणले. जलद गतीने तपास चक्र फिरवून आई- वडिलांचा शोध घेऊन पोलिस स्टेशन मध्ये आणून अधिक तपास केला असता, असे निष्पण निघाले की शाब्दिक वादातून सदर प्रकार घडला होता. त्यावेळी बेवारस बाळाचेच आई वडील आहेत म्हणून खात्री केली व सुखरूप या शिवान्या नामक बाळाला आई वडिलांच्या ताब्यात दिले.
-दीपक पवार, ठाणेदार, डोणगाव

(संपादन - विवेक मेतकर)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

बीडमध्ये चाललंय काय? जमिनीच्या वादातून माजी सरपंचाची दहशत; रक्तबंबाळ होईपर्यंत तरुणाला बेदम मारहाण, पोलिसांवर राजकीय दबाव?

Latest Marathi News Updates : पुण्यात पीएमपीच्या ब्रेकडाऊनमध्ये वाढ, एका महिन्यात २४०० घटना

Health Insurance Updated Rules: आता फक्त २ तास ॲडमिट होऊनही क्लेम करता येणार हेल्थ इन्शुरन्स! जाणून घ्या योजना

Sindhudurg : सोनाली गावडे मृत्यू प्रकरण, ‘ती’ दुसरी छत्री कोणाची? बांदा पोलिसांसमोर गूढ उकलण्याचे आव्हान

Eknath Shinde Delhi Visit : पावसाळी अधिवेशन सुरु असताना एकनाथ शिंदेंचं दिल्ली वारी, अमित शहांसह वरिष्ठ नेत्यांची घेतली भेट, नेमकी काय चर्चा झाली?

SCROLL FOR NEXT