शेगाव ( जि. बुलडाणा  :  तालुक्यातील सगोडा येथेही ४ ऑक्टोबर निवृत्ती पुंडलिक दळभंजन (वय ४५) यांचा खून झाला होता. पोलिसांना प्रथम अज्ञात व्यक्तीविरुद्ध गुन्हा दाखल केल्यानंतर तपासाचे चक्र फिरवताच दत्तक पुत्रानेच शेतीच्या वाटणीवरून खून केल्याचे उघड झाले.

शेगाव ग्रामीण पोलिस स्टेशन अंतर्गत येणाऱ्या सगोडा येथे निवृत्ती पुंडलिक दळभंजन हे शेतात मृत अवस्थेत आढळले होते. डॉक्टरांना मृतकाच्या गळ्यावर दोरीचे व्रण दिसले.

• हृदयद्रावक...रात्री सव्वा अकरा वाजता मायलेकींनी रेल्वे रुळावर झोपून संपविली जीवनयात्रा

त्यानुसार रुग्णालयातर्फे शेगाव ग्रामीण पोलिसांना माहिती दिली. प्रकरणाचे गांभिर्य बघून अकोला येथील तज्ञ डॉक्टरांकडून मृतदेहाची तपासणी केल्यानंतर खून झाल्याचे स्पष्ट झाले.

• मन हेलावणारी घटना: पत्नीशी वाद झाल्याने चिरला तीन वर्षाच्या चिमुकल्याचा गळा अन् स्वत:ही केला आत्महत्येचा प्रयत्न

अखेर ६ ऑक्टोबर रोजी मृतकाचा दत्तक पुत्र सोपान गजानन दळभंजन (वय २६) याला चौकशीसाठी ताब्यात घेतले. चौकशीत त्याने गुन्हा कबूल केला.

• 60 वर्षीय वृद्धाने 22 वर्षीय युवतीस पळविले

वर्षभरापूर्वी निवृत्ती दळभंजन यांच्याशी शेतीच्या वाटणीवरून वाद झाला होता. त्याचा राग मनात धरून ता. ४ ऑक्टोबर रोजी शेतात गवत आणण्यासाठी एकटे गेलेल्या निवृत्ती दळभंजन यांचा दोरीने गळा आवळून खून केला, असे सोपानने कबूल केले.

(संपादन - विवेक मेतकर)