बाळापूर (जि.अकोला) : वाडेगाव - बाळापूर महामार्ग ओलांडताना बिबट्यांच्या झुंडीला अज्ञात वाहनाने जोरदार धडक दिली. यामध्ये नर बिबट्याचा जागीच मृत्यू झाला आहे. ही घटना बाळापूर जवळील मांडवा शेतशिवारात घडली.
या नर बिबटचे वय सव्वा दोन वर्षे असल्याची माहिती वन अधिकाऱ्यांनी दिली. तालुक्यातील बटवाडी शेतशिवारात बिबट्यांचा वावर आहे. यापूर्वी अनेकदा शेतकऱ्यांना बिबट्याने दर्शन दिले आहे,
तर बटवाडी येथील गायीचा बिबट्याने फडशा देखील पाडल्याची घटना घडली होती. त्यामुळे या भागात बिबट्यांची दहशत निर्माण झाली आहे. चार ते पाच बिबट रस्ता ओलांडत असताना अज्ञात वाहनाने त्यांना धडक दिल्याने त्यापैकी एका नर बिबटला गंभीर दुखापत झाली.
बराच वेळ उपचाराविनापडून राहिल्याने तिथेच त्याचा मृत्यू झाला. माहिती मिळताच बाळापूर पोलिसांनी घटनास्थळ गाठले. त्यानंतर वन विभागाचे कर्मचारी पोहोचले. आरएफओ आर. एन. ओवे व वनविभागाचे कर्मचारी, बाळापूर ठाणेदार नितीन शिंदे व पोलिस कर्मचाऱ्यांनी घटनास्थळ गाठत पंचनामा केला. वनविभागाने बिबट ताब्यात घेतले आहे.
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.