अकोला : वैद्यकीय व्यवसायाशी प्रामाणिक न राहता रुग्णांची दिशाभूल करण्याचे प्रकार अकोला शहारातील काही प्रतिष्ठित हॉस्पिटलकडून सुरू आहेत. अशी दिशाभूल डोळ्याच्या शस्त्रक्रिया करण्यापूर्वी आरोग्य तपासणी करून घेण्यासाठी गेलेल्या एका महिला रुग्णाची करण्यात आल्याबद्दल ता. २१ ऑक्टोबर रोजी रामदास पेठ पोलिस ठाण्यात तक्रार दाखल करण्यात आली.

अकोला येथील नेत्रतज्ज्ञ डॉ. थोरात यांच्याकडे वाशीम जिल्ह्यातील मालेगाव तालुक्यातील ब्राह्मण वाडा येथील रहिवाशी अनुसयाबाई पंढरी घुगे (वय ७३) या डोळ्याची शस्रक्रिया करण्यासाठी गेल्या होत्या. त्यांचे वय बघता त्यांना आरोग्य तपासणी करून घेण्याचा सल्ला डॉक्टरांनी दिला.

• एकनाथरावांना सासुरवाडीतून कोण साथ देणार?

त्यानुसार त्या आयकॉन हॉस्पिटलमधील डॉ. बिनित सिन्हा यांच्याकडे तपासणीसाठी गेल्यात. तेथे त्यांची तपासणी केल्यानंतर त्यांचे हृदयाचा आजार असल्याने व २८ टक्केच काम करीत असल्याने त्यावर उपाचर केल्याशिवाय डोळ्याची शस्त्रक्रिया करता येणार नाही, असे सांगितले.

• नाथाभाऊंच्या राजीनाम्यानंतर समर्थकांचे फोन ‘नॉटरिचेबल’

आयकॉन हॉस्पिटल सारख्या प्रतिष्ठित हॉस्पिटलच्या या अभिप्रायामुळे घाबरलेल्या घुगे परिवारातील सदस्यांनी डॉ. केदार यांच्याशी संपर्क साधला. डॉ. केदार यांच्याकडे तपासणी केल्यानंतर रुग्णाचे एल.व्ही.ई.एफ. ६० टक्के कार्यरत असल्याने डोळ्याची शस्त्रक्रिया करण्यास हरकत नसल्याचा सल्ला दिला. त्यानुसार ५ मार्च रोजी शस्त्रक्रिया करण्यात आली व आता त्यांचा डोळा चांगल्या प्रकारे कार्यरत आहे.

• ह्रदयद्रावक घटना: 15 ते 20 कुत्र्यांनी नऊ वर्षांच्या मुलाचे तोडले लचके, मूलाचा मृत्यू

या सर्व प्रकारात आयकॉन हॉस्पिटलचे डॉ. बिपीन सिन्हा व ते जेथे कार्यरत आहेत त्या आयकॉन हॉस्पिटलकडून रुग्णाची दिशाभूल करीत व फसवणूक केल्याची तक्रार अनुसयाबाई घुगे यांनी २१ ऑक्टोबर २०२० रोजी रामदास पेठ पोलिस ठाण्यात दाखल केली. या तक्रारीनुसार रामदास पेठे पोलिसांनी पुढील तपास सुरू केला असल्याची माहिती आहे.

(संपादन - विवेक मेतकर)