Akola News: Farmers Diwali will finally go in the dark!
Akola News: Farmers Diwali will finally go in the dark! 
अकोला

शेवटी शेतकऱ्यांची दिवाळी जाणार अंधारातच!

सकाळ वृत्तसेवा

वाशीम  ः मागील महिन्यात ऐन सोयाबीन काढणीच्या वेळी आलेल्या पावसाने शेतकऱ्यांच्या हातात आलेले पीक मातीमोल झाले. शासनस्तरावर मदतीची घोषणा झाली तरी, ही घोषणा आता हवेत विरली असून मदतीच्या आशेवर शेतकऱ्यांची दिवाळी अंधारातच जाणार आहे.


यावर्षी सततच्या पावसाने व धुक्याने सोयाबीनचा उतारा एकरी दोन क्विंटल असा आला आहे. हे दोन क्विंटल सोयाबीनही अस्मानी संकटाने हिरावून घेतले आहे.

मागील महिन्यात झालेल्या प्रचंड पाऊस व धुक्याने शेतकऱ्यांचे सोयाबीन शेतातच भिजले. हाती तोंडी आलेला घास पावसाने मातीमोल झाला. पाऊस झाल्यानंतर शासन स्तरावर शेतकऱ्यांना तत्काळ पंचनामे करून मदत देण्याचे आश्वासन दिले होते.

मात्र वाशीम जिल्ह्यामध्ये प्रशासनाकडून कोणतेही पंचनामे करण्यात आले नाही. सरसकट नुकसानीचे आकडे शासनाकडे पाठविल्याचे प्रशासनाकडून सांगण्यात आले होते. त्यामुळे किमान दिवाळीपूर्वी नुकसानभरपाई मिळेल ही आशा असताना आता शासनस्तरावर कोणतीही हालचाल नसल्याने शेतकऱ्यांची दिवाळी अंधारातच जाणार आहे.


आधीच दोन पोते त्यात दर मातीमोल
पावसाने सोयाबीन भिजल्याने त्याची प्रत खराब झाली आहे. बाजारात हे काळे झालेले सोयाबीन एक हजार ५०० रूपये दरानेही कोणी घ्यायला तयार नाही. या परिस्थितीत शासनाने मदत करणे अपेक्षित असताना मदत मिळाली नाही. त्यामुळे आता दिवाळी साजरी करायची कशी हा प्रश्न निर्माण झाला आहे.


रब्बीचा झाला खोडा
एकीकडे दिवाळी अंधारात जात असताना शिवारातही स्मशानशांतता आहे. पैशाअभावी रब्बीच्या खते व बियाण्यासाठी शेतकऱ्यांकडे पैसा नाही. खरिपाचे घेतलेले कर्ज अजून थकीत आहे. रब्बीच्या पिककर्जाची कोणतीही सोय नाही. खरिपाचे पिककर्ज थकीत असले तरी रब्बीसाठी पुन्हा पिककर्ज मिळाले तरच रब्बीच्या पेरणीची सोय होणार आहे.

(संपादन - विवेक मेतकर)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Solapur Lok Sabha Ground Report: राम सातपुतेंना धक्का बसणार की प्रणिती शिंदेंना? वंचित गेम चेंजर ठरणार...ग्राऊंड रिपोर्ट वाचा...

जे कुटुंबाला सांभाळू शकत नाहीत ते महाराष्ट्राला काय सांभाळणार?; PM मोदींची पवारांवर कडवट टीका

Gurucharan Singh : गुरुचरण सिंहने रचलाय बेपत्ता असल्याचा कट ? ; पोलिसांनी व्यक्त केला संशय

Suryakumar Yadav: भारताचा 'मिस्टर 360' सूर्यानं 'बेबी एबी'ला शिकवला कसा खेळायचा सुपला शॉट, पाहा Video

Latest Marathi News Live Update : "चित्रा वाघ यांनी माझी माफी मागावी," अनभिनेते राज नयानी यांचा इशारा

SCROLL FOR NEXT