अकोला  ः राज्य सरकारने दिवाळीनंतर ता. २३ नोव्हेंबरपासून शाळा सुरू करण्याचा निर्णय घेतला आहे. कोरोनाच्या अटी शर्ती पण घातल्या. मात्र शाळा चालू करताना लागणारे सॅनिटायर्सर, थर्मल, ऑक्सी मीटर कोण देणार, याबाबत स्पष्टता नाही. शाळांकडे याबाबत निधी नाही. शासनाकडून अनुदान नाही.

त्यामुळे येणाऱ्या अचडणी सोडविण्यासाठी सरकारने साहित्य खरेदीसाठी तत्काळ शाळांना आर्थिक निधीची तरतूद करावी, अशी मागणी भाजपच्या वतीने करण्यात आली आहे.

• शेतकऱ्यांना दिवाळी भेट; पीक नुकसानीचे २७ कोटी मिळाले

अनेक अटीतटी घालून दिवाळी नंतर शाळा सुरू करण्याचे आदेश राज्य सरकारने काढले आहेत .त्यासाठी शाळांमध्ये सॅनीटायझर ,ऑक्सी मीटर, थर्मल स्कॅनर ,ठेवणे अनिवार्य केले आहे .मात्र परिस्थिती ही आहे की हे साहित्य कोठून आणावे?असा प्रश्न राज्यातील मुख्याध्यापकांना पडला आहे .

• मनसे जिल्हाध्यक्षांनी लगावली अधिकाऱ्याच्या कानशिलात

शहरासह ग्रामीण भागातील शिक्षण संस्था चालक खर्च करू शकत नाहीत. शिवाय अनेक ठिकाणी जिल्हा परिषद मार्फत शाळा चालतात. शाळेमधील स्वच्छता निर्जंतुकीकरण कसं करावं ,असे अनेक प्रश्न मुख्याध्यापकांच्या समोर उभे आहेत.

• हायवेने प्रवास करीत असाल तर दंडाचे पाचशे रुपये जवळ ठेवा!

खरंतर शाळा सुरू करण्याच्या अगोदर सरकारने या गोष्टीचा विचार करायला हवा होता. वास्तविक पाहता संकटाचा सामना करण्यासाठी सर्वसामान्य जनतेने मायबाप सरकारला मोठ्या प्रमाणावर निधी दिला? त्या निधीतून म्हणजेच मुख्यमंत्री सहाय्यता निधी मधून सरकारने याची तरतूद आगोदर करायला हवी होती. मात्र एक रुपयाची तरतूद न करता शाळा सुरू करण्याचा आदेश म्हणजे मुलांच्या जिवाशी खेळ होऊ शकतो ?

•  Diwali Festival 2020: झेंडूच्या फुलांना आलाय सोन्याचा भाव!

त्यामुळे राज्य सरकारने अगोदर राज्यातील शाळांना करोना प्रतिबंधक साहित्य घेण्यासाठी तत्काळ आर्थिक निधी उपलब्ध करून देण्याची गरज आहे. निधी उपलब्ध करून दिला तरच मुख्याध्यापक साहित्य खरेदी करू शकतील.

• सावध रहा, दिवाळी बाजारात आल्या आहेत नकली नोटा

याचा वापर नियोजित वेळेस होईल .अन्यथा शाळा चालू करणे धोक्याचे राहील .सरकारने हा विचार करून तत्काळ निधी मंजूर करावा नंतरच शाळा चालू कराव्यात, अशी मागणी भाजपचे जिल्हाध्यक्ष आमदार रणधीर सावरकर, महानगर अध्यक्ष विजय अग्रवाल यांनी केली आहे.

(संपादन - विवेक मेतकर)