अकोला : डाबकी रोड पोलिस स्टेशनच्या हद्दीत झालेल्या घरफोडीचा गुन्हा स्थानिक गुन्हे शाखेच्या पथकाने अवघ्या २४ तासात उघडीस आणून, आरोपीला बेड्या ठोकल्यात. आरोपीकडून चोरीतील ६० हजारांचा मुद्देमालही जप्त केला.

स्थानिक गुन्हे शाखा अकोला येथील तपास पथकातील अधिकारी व कर्मचारी यांनी गोपनिय माहितीवरुन संशयीत आरोपी नामे अभिषेक अनिल वासनकर (१९ , रा. बाजार चौक आगर) यास ताब्यात घेतले. पोलिस खाक्या दाखवित त्याची विचारपूस केली असता त्याने व त्याचा एक साथीदार (विधीसंघर्ष ग्रस्त बालिका) यांनी मिळून गुन्हा केल्याची कबुली दिली.

त्यास ताब्यात घेवु विचारपुरस करून नमुद गुन्ह्यातील ६० हजारांचा माल हस्तगत करीत २४ तासाच्या आत सदर गुन्हा उघडकीस आणला आहे. पुढील तपास कामी आरोपीला डाबकी रोड पोलिसांच्या ताब्यात देण्यात आले. आहे.

ही कारवाई पोलिस अधीक्षक जी. श्रीधर, अप्पर पोलिस अधीक्षक मोनिका राऊत यांच्या मार्गदर्शनाखाली स्थानिक गुन्हे शाखेचे पोलिस निरीक्षक संतोष महल्ले, सपोनि. नितीन चव्हाण, सपोउपनि गोपीलाल मावळे, संतोष गवई, विजय यादव, फिरोज खान, संदीप काटकर, गीता अवचार, शक्ती कांबळे, विरेंद्र लाड, उदय शुक्ला, पवन यादव, सतीष गुप्ता, सुशील खंडारे, सायबर पोकॉ गणेश सोनोने यांनी केली आहे.