अकोला : भाविकांचा सहभाग असलेल्या धार्मिक कार्यक्रमांना परवानगी देण्यासाठी नियमावली तयार करण्यात येणार असून, नियमांचे पालन करून धार्मिक कार्यक्रमांचे आयाेजन करा; वारकऱ्यांवर कारवाई हाेणार नाही, अशी ग्वाही पर्यटनमंत्री तथा शिवसेनेचे युवा नेते आदित्य ठाकरे यांनी वारकऱ्यांना दिली. त्यामुळे धार्मिक कार्यक्रम आयोजित करण्याचा मार्ग मोकळा झाला आहे.
हे ही वाचा : जात वैधता प्रमाणपत्रासाठी ऑनलाईन अर्ज
वारकरी सेना व वारकरी साहित्य परिषद आणि महाराष्ट्रातील इतर वारकरी संघटनांच्या माध्यमातून वारकऱ्यांनी अकोला येथे आठ दिवस उपाेषण केले हाेते. तेव्हा शिवसेना आमदार गोपीकिशन बाजोरिया यांनी वारकऱ्यांची मुख्यमंत्र्यांसोबत भेट घालून देण्याचे आश्वासन दिले होते. त्यानुसार मंगळवारी वारकरी संप्रदाय व गुरुदेव सेवा मंडळाचे शिष्टमंडळाने मुंबईला मंत्र्यांची भेट घेतली.
हे ही वाचा : जिल्ह्यात ४८ कोरोना पॉझिटीव्ह तर एकाचा मृत्यू
यावेळी सकारात्मक चर्चा झाल्यानंतर वारकरी संप्रदाय व गुरुदेव सेवा मंडळाच्यावतीने शिष्टमंडळातील हभप गणेश महाराज शेटे यांनी पर्यटन मंत्री आदित्य ठाकरे यांचा शाल श्रीफळ व श्री विठ्ठल-रुक्मिणी मूर्ती देऊन सत्कार केला. यावेळी विक्रम महाराज शेटे, तुकाराम महाराज भोसले, विलास महाराज कराड, राजेंद्र कोलट्टके उपस्थित होते.
संपादन - सुस्मिता वडतिले
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.