हिवरखेड (जि. अकोला) : आषाढी एकादशीच्या पावन पर्वावरसुद्धा हिवरखेड येथील श्री विठ्ठल रुकमाई मंदिराचे मुख्य प्रवेशद्वार बंद होते. यामुळे हिवरखेड येथील श्री विठ्ठल भक्तांद्वारे नाराजीचे सूर ऐकायला मिळाले. एकीकडे दारूची दुकाने उघडण्याची परवानगी सरकारने दिली दुसरीकडे पंढरीची वारी न करू शकलेल्या वारकऱ्यांसाठीही मंगळवारी विठ्ठल मंदिराची दारे पावन पर्वावरही बंद असल्याने भाविकांची नाराजी झाली. (Temple-closed-Liquor-Shop-started-Ashadi-Ekadashi-Akola-News-nad86)
दरवर्षी आषाढी एकादशीला लाखो वारकरी पंढरीला पोहोचतात. सर्वसामान्य नागरिक जवळपासच्या मंदिरांमध्ये भक्तिभावाने पूजा-अर्चा करून विठुराया चरणी नतमस्तक होतात. कोविड नियमांच्या नावाखाली पंढरीसह संपूर्ण देवालयांवर निर्बंध घातलेले दिसत आहेत. त्यामुळे आता देवदर्शन सुद्धा लपून छपून करावे लागेल काय? असा सवाल भाविक करीत आहेत.
फक्त सहिष्णुता असणाऱ्यांनाच वेठीस का धरले जाते, असा प्रश्न सुद्धा निर्माण होत आहे. मंदिरांपेक्षा मदिरालय शासनासाठी महत्त्वाची झाली असल्याचे चित्र पहावयास मिळत आहे. अनेक प्रकारची अवैध कामे राजरोसपणे सुरू असताना धार्मिक कार्यक्रम आणि धार्मिक स्थळांवर निर्बंध कितपत योग्य आहेत यावर शासनाने विचार करणे आवश्यक आहे.
मंदिर बंद मदिरालये सुरू हा प्रकार म्हणजे भावी पिढीला संस्कारी बनविण्याऐवजी व्यसनाधीन बनविण्याचे सुनियोजित षडयंत्र दिसत आहे.- नंदकिशोर चौबे, माजी तंटामुक्ती अध्यक्ष हिवरखेड
गर्दीची इतर ठिकाणे सुरूच असताना भाविकांची श्रद्धास्थाने बंद ठेवून शासनाला काय संदेश द्यायचा आहे नेमके तेच कळत नाही.- सीमा संतोष राऊत, सरपंच, ग्रामपंचायत हिवरखेड
(Temple-closed-Liquor-Shop-started-Ashadi-Ekadashi-Akola-News-nad86)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.