उंबर्डा बाजार (जि.वाशीम) : घरासमोर भ्रमणध्वनी वर बोलत असलेल्या युवतीला भरधाव वेगातील आॅटोने जोरदार धडक दिल्याने उपचारा दरम्यान मृत्यू झाल्याची घटना दि. ६ जुलै रोजी रात्री १० वाजताच्या सुमारास धनज बु! येथे घडली. (Woman dies in speeding car accident)

सविस्तर असे की फिर्यादी महेक अजुम शे नईम (वय १६ वर्षे) हिने दिलेल्या माहिती नुसार फिर्यादी कारंजा अमरावती रोडवरील घरासमोर उभी होती. तिच्या बाजूलाच असलेल्या बैलगाडी जवळ मृतक कु. मुस्कान शेख नईम ही मोबाईलवर बोलत होती. तेवढ्यात चालक शेख हमीद शेख हसन ह्याच्या भरधाव वेगाने येणाऱ्या ऑटो ने मुस्कान हिला उडविले. बहिणीला भरधाव ऑटोने उडविल्याचे बघताच फिर्यादी महेक अजुम हिने व तिच्या आजीने तिला दवाखान्यात नेले.

परंतु उपचारादरम्यान तिची जीव गेला .सदर ऑटो चालक शेख हमीद शेख हसन वय ४० याच्या बेसावध व भरधाव वेगाने ऑटो चालविण्यामुळे एका निष्पाप तरुणीला जीव गमवावा लागल्याने भादवी च्या कलम २७९ , ३३७ अन्वये गुन्हा दाखल केला असून या घटनेचा तपास पोलीस निरीक्षक अनिल ठाकरे यांच्या मार्गदर्शनात रामेश्वर रामचवरे करीत आहे.

Woman dies in speeding car accident