नवी दिल्ली : देशातील ६ सरकारी बँका आजपासून बंद झाल्या आहेत. या बँकांचे दुसऱ्या सरकारी बँकांमध्ये विलिनीकरण करण्यात आले आहे. त्यामुळे या बँकांमध्ये जर तुमचे बँक खाते असेल तर ही बातमी सविस्तर वाचा. एका झटक्यात ६ सरकारी बँका इतिहासजमा होण्याची ही घटना ऐतिहासिक घटना म्हणून यापुढे ओळखली जाईल. या बँकांमध्ये ओरिएंटरल बँक, युनायटेड बँक ऑफ इंडिया, आंध्रा बँक, कॉर्पोरेशन बँक, अलाहाबाद बँक आणि सिंडिकेट बँक यांचा समावेश आहे. जर या बँकांचे तुम्ही ग्राहक असाल, तर आजपासून तुम्ही नव्या बँकांचे खातेदार झाला आहात. 

कोणत्या बँकेत झालं बँकांचं विलिनीकरण
ओरिएंटल बँक आणि युनायटेड बँक ऑफ इंडिया या दोन बँकांचे पंजाब नॅशनल बँकेत विलिनीकरण झाले आहे. या दोन्ही बँकांचे खातेदार पीएनबीचे खातेदार झाले आहेत. त्यामुळे संबंधित ग्राहकांनी नव्या बँकेचं पासबुक, चेकबुक बँकेतून घ्यावे. याबरोबर आयएफएससी (IFSC) कोडही बदलणार आहे. याची ग्राहकांनी नोंद घ्यावी. 

- सर्वसामान्यांना जबर दणका; अल्पबचत व्याजदरांमध्ये मोदी सरकारकडून भरभक्कम कपात​

आंध्रा बँक आणि कॉर्पोरेशन बँक या दोन बँकांचे विलिनीकरण युनियन बँक ऑफ इंडियामध्ये झाले आहे. या बँकांच्या ग्राहकांनीही नवीन चेकबुक आणि आयएफएससी कोड बँकेतून घ्यावा. 

या बँकांचं विलिनीकरण काही दिवसांत होणार
अलाहाबाद बँक १ मे २०२१नंतर इंडियन बँकेत विलीन होणार आहे. तर कॅनरा बँक १ जुलै २०२१ पासून सिंडिकेट बँकेत विलीन करण्यात येणार आहे. त्यामुळे या दोन्ही बँकेच्या ग्राहकांना नवीन पासबुक, चेकबुक आणि आयएफएससी कोड देण्यात येणार आहेत. 

- Alert : एसबीआयची ही सुविधा दुपारपासून होईल ठप्प​

तसेच ओरिएंटल बँक ऑफ कॉमर्स, युनायडेट बँक ऑफ इंडिया, सिंडिकेट बँक, आंध्रा बँक, कॉर्पोरेशन बँक आणि अलाहाबाद बँकेचे आयएफएससी कोड हे १ एप्रिलपासून बदलले जाणार आहे. या सर्व बँकांच्या ग्राहकांना यापुढे आता नव्या आयएफएससी कोडचा वापर करावा लागणार आहे. तसेच एमआयसीआर कोडही बदलणार आहे. 

ऑगस्ट २०१९मध्येच केंद्रीय अर्थमंत्री निर्मला सीतारमण यांनी १० सार्वजनिक क्षेत्रातील बँकांचे विलिनीकरण करण्यात येणार असल्याचे जाहीर केले होते. 

- अर्थविश्वातील बातम्या वाचण्यासाठी येथे ► क्लिक करा

(Edited by: Ashish N. Kadam)