Tata Group : टाटा समूहाच्या दिग्गज टाटा मोटर्सचे शेअर्स न्यूयॉर्क स्टॉक एक्सचेंज (NYSE) मधून डीलिस्ट करण्यात आले आहेत. टाटा मोटर्सने सांगितले की, ते न्यूयॉर्क स्टॉक एक्सचेंजमधून त्यांचे सामान्य शेअर्स स्वेच्छेने डी-लिस्ट करत आहेत.

एका नियामक नोटीसमध्ये माहिती देताना कंपनीने म्हटले आहे की, भारतीय कायद्यांतर्गत नियामक निर्बंध लादल्यामुळे, सोमवारनंतर अमेरिकन डिपॉझिटरी रिसिप्ट्स (ADS) ची यूएस मार्केटमध्ये खरेदी-विक्री होणार नाही.

गुंतवणूकदारांनी काय करावे?

टाटा मोटर्सने सांगितले की, एडीएस धारक त्यांचे शेअर्स न्यूयॉर्क एक्सचेंजमध्ये डिपॉझिटरीमध्ये जमा करू शकतात.

हेही वाचा : 'नाटू नाटू..'ला मिळाला पुरस्कार..पण पुढे काय?

हे काम 24 जुलै 2023 पर्यंत करावे लागणार आहे. कंपनीने म्हटले आहे की, या निर्णयाचा भारतातील बीएसई आणि एनएसई वरील इक्विटी समभागांच्या ट्रेडिंग किंवा सध्याच्या स्थितीवर कोणताही परिणाम होणार नाही.

टाटा मोटर्स लिमिटेड ही रु. 1,40,208.27 कोटी मार्केट कॅपसह ऑटो क्षेत्रात कार्यरत असलेली लार्ज कॅप कंपनी आहे. टाटा मोटर्सने सोमवारी जाहीर केले की, ICICI बँकेसोबत भागीदारी केली आहे.

भागीदारी अंतर्गत, बँक अधिकृत प्रवासी ईव्ही डीलर्सना इन्व्हेंटरी फंडिंग व्यतिरिक्त डिझेल आणि पेट्रोल मॉडेल्सच्या डीलर्सना बँक फंडिंग करणार आहे.

टाटा मोटर्स पॅसेंजर व्हेइकल्स आणि टाटा पॅसेंजर इलेक्ट्रिक मोबिलिटीचे व्यवस्थापकीय संचालक शैलेश चंद्र म्हणाले, “आमचे डीलर नेटवर्क हे आमच्यासाठी मुख्य आधारस्तंभांचा एक भाग आहेत आणि त्यांच्या सततच्या प्रयत्नातून आम्ही इलेक्ट्रिक वाहनांची विक्री करत आहोत.

कंपनीला विश्वास आहे की, या योजनेअंतर्गत ते इलेक्ट्रिक व्हेइकल्सची प्रक्रिया अधिक सुलभ होईल आणि हा ग्राहकांसाठी चांगला अनुभव असेल.''