नवी दिल्ली: देशातील सराफा बाजारात मागील सत्रात सोने, चांदीच्या दरात वाढ दिसली होती. आज एमसीएक्सवर डिसेंबरच्या सोन्याच्या दरात 0.19 टक्क्यांची वाढ होऊन सोने 50 हजार 343 रुपये प्रति 10 ग्रॅम झाले आहे. तर चांदीच्या दरातही वाढ दिसून आली आहे. चांदीचे दर 0.3 टक्क्यांनी वाढून 60 हजार 738 प्रति किलो झाले आहे. मागील सत्रात सोन्याचे दर प्रति 10 ग्रॅमला 850 घसरले होते तर चांदीचे दर 2 हजार 600 रुपये प्रति किलोंनी कमी झाले होते.
जागतिक बाजारपेठेतील परिस्थिती-
जागतिक बाजारपेठेतही सोन्याच्या दर काही प्रमाणात वाढताना होताना दिसले. मागील सत्रात 1.6 टक्क्यांनी घसरलेले सोने आज 1892.80 डॉलर प्रति औंसपर्यंत गेले आहे. मंगळवारी सोने मागील तीन आठवड्यातील न्यूनत्तम किंमतीवर आल्यानंतर डॉलरचा दरही स्थिर झाला होता. तर चांदीचे दर 0.2 टक्क्यांनी वाढून प्रति औंस 24.22 डॉलरने वाढले आहे.
भारतात ऑगस्ट महिन्यातील 7 तारखेला सोन्याचे दर आतापर्यंतचे सर्वाधिक म्हणजे 56 हजार 200 पर्यंत गेले होते. तर चांदीच्या दरानेही 80 हजारांचा जवळ मजल मारली होती. हे सोने, चांदीचे दर आतापर्यंतचे सर्वाधिक ठरले आहेत. सोने, चांदी आणि मौल्यवान धातूंच्या दरांचा इतिहास पाहिला तर ते नेहमी जागतिक संकटांच्या वेळेस वाढले आहेत.
नोव्हेंबर महिन्यात अमेरिकेत राष्ट्रपतीपदाच्या निवडणुका होत आहेत. आता अमेरिकेत अर्थव्यवस्थेला बळकटी देण्यासाठीच्या प्रोत्साहन पॅकेजची संभावना धूसर झाली आहे. व्हाईट हाऊसच्या अध्यक्षा नॅन्सी पेलोसी यांनी १८ ट्रिलियन डॉलर्सचा प्रस्ताव फेटाळूनही लावला आहे, त्याला कारण देताना नॅन्सी म्हणाल्या होत्या की, कोरोना काळात हे पॅकेज पुरेसे नाही असं त्या म्हणाल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.