गेल्या कित्येक दिवसांपासून सोने चांदीच्या दरात अस्थिरता दिसून येत आहे. मात्र या आठवड्यापासून सोने दरात तेजी दिसून येत आहे. आज सुद्धा सोन्याच्या दरात तेजी दिसून येत आहे तर चांदीचे दर मात्र घसरले. दिवाळी काही दिवसांवर असताना सोने खरेदीकडे लोकांचा कल दिसून येत आहे. अशात सोने चांदीच्या दरातील वाढ अपेक्षित आहे.

आज 22 कॅरेटसाठी 10 ग्रॅम सोन्याचा दर 46,550 रुपये तर 24 कॅरेट साठी 50,780 रुपये आहे तर 10 ग्रॅम चांदीचा दर 564 रुपये आहे. (gold silver price update 19 october 2022)

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या.

• चेन्नई - 51,310 रुपये

• दिल्ली - 50,950 रुपये

• हैदराबाद - 50,640 रुपये

• कोलकत्ता - 50,780 रुपये

• लखनऊ - 50,950 रुपये

• मुंबई - 50,640 रुपये

• नागपूर - 50,700 रुपये

• पुणे - 50,700 रुपये

सोन्याची शुद्धता कशी जाणून घ्यावी ?

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं. बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.