नवी दिल्ली : विकासाची गती मंदावल्याने माहिती तंत्रज्ञान क्षेत्रातील (आयटी) मध्यमस्तरावरील तब्बल 30 ते 40 हजार कर्मचाऱ्यांवर नोकरी गमावण्याची वेळ येऊ शकते, असे मत आयटीतज्ज्ञ आणि इन्फोसिसचे माजी मुख्य वित्त अधिकारी टी. व्ही. मोहनदास पै यांनी व्यक्त केले.

कोणत्याही क्षेत्रात प्रत्येक पाच वर्षांच्या काळात या प्रकारची परिस्थिती निर्माण होत असते, असेही ते म्हणाले. 

'सकाळ'चे मोबाईल ऍप डाऊनलोड करा

पाश्‍चिमात्य देशांप्रमाणे भारतातदेखील प्रत्येक पाच वर्षांच्या काळात एखादे औद्योगिक किंवा सेवाक्षेत्र एका संक्रमणावस्थेतून जात असते. त्यामुळे ही परिस्थिती अगदी सामान्य असल्याचे त्यांनी म्हटले आहे. ज्या वेळी एखादी कंपनी झपाट्याने वाढत असते त्या वेळी कर्मचाऱ्यांना बढती किंवा पगारात मिळणारी वाढ स्वाभाविक असते. त्याचप्रमाणे जेव्हा कंपनी मंदीसदृश परिस्थितीतून जात असते किंवा तिच्या वाढण्याचा वेग मंदावतो त्या वेळी तुलनेने अधिक पगार घेणाऱ्या आणि कंपनीसाठी अनावश्‍यक ठरणाऱ्या मध्यमस्तरावरील कर्मचाऱ्यांवर नोकरी गमावण्याची वेळ येत असते. विविध प्रकारचे कौशल्य असलेल्या कर्मचाऱ्यांना दुसरीकडे नोकरीच्या संधी सहज निर्माण होतात, असे त्यांनी सांगितले.

आयडीबीआय फेडरल लाइफ इन्शुरन्सचे व्यवस्थापकीय संचालक आणि मुख्य कार्यकारी अधिकारी विघ्नेश शहाणे ‘सकाळ मनी’शी केलेली ही खास बातचीत