नवी दिल्ली : जागतिक स्तरावरील पतमानांकन संस्था असलेल्या 'मूडीज'ने भारताच्या पतमानांकनात घसरण केली आहे. वर्ष 2020 साठी एकूण देशांतर्गत उत्पादनाच्या (जीडीपी) दराचा अंदाज कमी केली आहे. वर्ष 2020 मध्ये भारताची अर्थव्यवस्था 5.3 टक्क्यांच्या दराने वाढेल असा अंदाज मूडीजने वर्तवला आहे. फेब्रुवारीमध्ये भारताचा जीडीपी 5.4 टक्के दराने वाढेल असा अंदाज व्यक्त केला होता. मात्र जगभर थैमान घातलेल्या 'कोरोना'मुळे जगभरातील अर्थव्यवस्था मंदावल्याने भारतीय अर्थव्यवस्थेला देखील फटका बसला आहे. या अगोदरच्या अहवालामध्ये भारताची अर्थव्यवस्था  6.6  टक्क्यांच्या दराने वाढेल असा अंदाज मूडीजने वर्तवला होता. 

येस बॅंकेच्या ठेवींमध्ये ३४ टक्‍क्‍यांची घट

कोरोना विषाणूच्या जगभर संसर्गाच्या वेगवान प्रसारामुळे अर्थव्यवस्थेवर प्रतिकूल परिणाम होईल. तसेच प्रभावित देशांमध्ये याचा परिणाम देशांतर्गत मागणीवर परिणाम होत आहे. जागतिक पातळीवर पुरवठा साखळी विस्कळीत झाली आहे आणि देशादेशांमधील व्यापार कमी होतो. कोरोनामुळे जागतिक पातळीवर अशीच परिस्थिती कायम राहिल्यास जागतिक आर्थिक मंदी पुन्हा डोके वर काढण्याची शक्यता मूडीजने व्यक्त केली आहे. तसेच 2021 मध्ये भारताचा आर्थिक विकास दर 5.8 टक्के राहील, असा अंदाज संस्थेने वर्तविला आहे.

आता बातम्या ऐकण्यासाठी डाऊनलोड करा ई-सकाळचे ऍप 

सार्वजनिक क्षेत्रातील बँकांबरोबर सरकारने आर्थिक उपाययोजना केल्या आहेत. तसेच बऱ्याच बँकांनी व्याजाच्या दरात देखील कपात केली आहे. मात्र कोरोनाच्या वाढत्या प्रसारामुळे सरकार करत असलेल्या उपाययोजनांचा प्रभाव कमी होण्याची शक्यता आहे, असेही मत मूडीजने व्यक्त केले आहे.