Post Office Investment Scheme: आजच्या युगात गुंतवणूक करणं गरजेचं बनलं आहे. तुम्ही आज केलेली गुंतवणूक तुम्हाला भविष्यात कधी मदत करेल, हे सांगता येत नाही. जेव्हा जेव्हा गुंतवणुकीचा विचार डोक्यात येतो तेव्हा अनेक पर्याय समोर उभे राहतात. काही गुंतवणुकीत जास्त जोखीम असते तर काही गुंतवणुकीत कमी जोखीम असते. परंतु पोस्ट ऑफिसमध्ये गुंतवणूक करणे खूपच सुरक्षित मानले जाते. पोस्ट ऑफिसमध्ये गुंतवणूक करणे म्हणजे शून्य जोखमीवर चांगले परतावा मिळणे.

पोस्ट ऑफिसच्या अशा अनेक लहान बचत योजना आहेत ज्यात गुंतवणूक करणे फायदेशीर ठरू शकते. या योजनांमध्ये जोखीम नगण्य आहे आणि परतावाही जास्त आहे. आज आम्ही तुम्हाला पोस्ट ऑफिसच्या अशाच एका योजनेबद्दल सांगणार आहोत. 'ग्राम सुरक्षा योजना' असे या योजनेचे नाव आहे.

35 लाखांचा होईल फायदा -

पोस्ट ऑफिसच्या 'ग्राम सुरक्षा योजने'मध्ये (Gram Suraksha Scheme) जोखीम खूपच कमी आहे आणि परतावाही चांगला आहे. या योजनेत तुम्हाला दरमहा १५०० रुपये जमा करावे लागतील. जर तुम्ही या योजनेत नियमितपणे पैसे जमा करत असाल तर तुम्हाला नंतर 31 ते 35 लाखांचा लाभ मिळेल.

हे आहेत गुंतवणुकीचे नियम:

कोणताही भारतीय नागरिक या योजनेत गुंतवणूक करू शकतो.

गुंतवणुकीसाठी तुमचे वय 19 ते 55 वर्षांच्या दरम्यान असावे.

या योजनेत किमान विम्याची रक्कम 10,000 ते 10 लाख रुपये असू शकते.

या योजनेतील प्रीमियम मासिक, त्रैमासिक, सहामाही किंवा वार्षिक भरले जाऊ शकतात.

यामध्ये प्रीमियम भरण्यासाठी ३० दिवसांचा अतिरिक्त कालावधी दिला जातो.

या योजनेद्वारे तुम्ही कर्ज देखील घेऊ शकता.

तुम्ही ही योजना घेतल्यानंतर ३ वर्षांनी सरेंडरही करू शकता. परंतु असे केल्याने तुम्हाला फारसा फायदा होणार नाही.

तुम्हाला किती फायदा होईल?-

जर तुम्ही वयाच्या 19 व्या वर्षी या योजनेत गुंतवणूक केली आणि 10 लाख रुपयांची पॉलिसी घेतली, तर त्याचा 55 वर्षांसाठी मासिक प्रीमियम रु. 1515, 58 वर्षांसाठी रु. 1463 आणि 60 वर्षांसाठी रु. 1411 होईल. आता मॅच्युरिटीच्या वेळी तुम्हाला 55 वर्षांसाठी 31.60 लाख रुपये, 58 वर्षांसाठी 33.40 लाख रुपये आणि 60 वर्षांसाठी 34.60 लाख रुपयांचा लाभ मिळेल.