जून सिरीज एक्स्पायरीपूर्वी बाजारात दबाव दिसून आला. सेन्सेक्स-निफ्टी लाल चिन्हात बंद झाले. गुरुवारच्या व्यवहारात बँकिंग, आयटी, एफएमसीजी शेअर्सवर दबाव होता, तर मेटल, रियल्टी शेअर्समध्ये किरकोळ वाढ झाली. दुसरीकडे, मिडकॅप आणि स्मॉलकॅप शेअर्समध्ये विक्रीचा दबदबा राहिला. बीएसई मिडकॅप निर्देशांक 0.70 टक्क्यांनी आणि स्मॉलकॅप 0.18 टक्क्यांनी घसरला आहे. (pre analysis of share market 30 june 2022)

व्यवहाराच्या शेवटी सेन्सेक्स 150.48 अंकांनी म्हणजेच 0.28 टक्क्यांनी घसरून 53,026.97 वर बंद झाला. दुसरीकडे, निफ्टी 51.10 अंक म्हणजेच 0.32 टक्क्यांनी घसरून 15,799.10 वर बंद झाला.

गेल्या काही दिवसांपासून निफ्टीमध्ये चांगली हालचाल दिसल्याचे ऍक्सिस सिक्युरिटीचे राजेश पालवीया म्हणाले. त्यात गुरुवारी 15900 च्या आसपास प्रॉफिट बुकींग दिसून आली. 16000 ची पातळी ओलांडल्यास त्यात चांगले शॉर्ट कव्हरिंग दिसू शकते असे ते म्हणाले. सध्या डिपवर खरेदी करता येऊ शकते. गुंतवणूकदारांनी 15800 वर खरेदी करू शकतात शिवाय 15700 च्या पातळीवर स्टॉपलॉस ठेवण्याचा सल्ला त्यांनी दिला. यामध्ये 15900 चे टारगेट पाहायला मिळेल असे ते म्हणाले.

आजचे टॉप 10 शेअर्स कोणते ?
ओएनजीसी (ONGC)
एनटीपीसी (NTPC)
रिलायन्स (RELIANCE)
सनफार्मा (SUNPHARMA)
कोल इंडिया (COALINDIA)
ट्रेंट (TRENT)
ऍस्ट्रल (ASTRAL)
पेज इंडिया (PAGEIND)
टीव्हीएस मोटर्स (TVSMOTOR)
अशोक लेलँड (ASHOKLEY)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.