h1b visa 
अर्थविश्व

H-1B व्हिसामध्ये नवीन बदलाचा प्रस्ताव; सर्वाधिक फटका भारतीयांना़

सकाळ ऑनलाईन टीम

वॉशिंग्टन: मागील काही दिवसांपासून परदेशी कामगारांना अमेरिकेत जाण्यासाठी असणारा H-1B बिझनेस व्हीसा चांगलाच चर्चेत आहे. आता H-1B व्हीसाबद्दलच्या नियमांत अजून काही बदल करण्याच्या तयारीत अमेरिका प्रशासन दिसत आहे. कारण अमेरिकेत आता अस्थायी व्यापारासाठी H-1B व्हीसा दिला जाऊ नये यासाठी प्रस्ताव मांडला आहे, ज्याचा अनेक भारतीयांवर परिणाम होणार आहे. H-1B बिजनेस व्हीसामुळे अनेक कंपन्यांमधील तंत्रज्ञान व्यावसायिकांना कमी कालावधीसाठी अमेरिकेतील साइटला भेट देऊन काम करता येते.

जर हा प्रस्ताव मंजूर झाला तर परदेशी व्यावसायिकांना 'H-1B पॉलिसी' अंतर्गत कुशल कामगारांसाठी अमेरिकेत प्रवेश करण्याची परवानगी नाकारली जाऊ शकते. याचा फायदा अमेरिकेतील कामगारांना होण्याची शक्यता आहे. यामुळे अमेरिकी उद्योगधंद्यांच्या मालकांना त्यांच्या कुशल कामगारांना प्रोत्साहन देण्याची संधी मिळेल, अशी अपेक्षा अमेरिकन प्रशासनाला आहे.

H-1B व्हिसा नेमका काय आहे ?
H-1B बिजनेस व्हीसा हा एक नॉन-इमिग्रंट व्हिसा आहे, ज्याअंतर्गत अमेरिकी कंपन्यांना विशेष तांत्रिक कौशल्य असलेल्या पदांवर परदेशी व्यावसायिकांची नेमणूक करण्याची परवानगी आहे. या व्हिसाच्या माध्यमातून तंत्रज्ञान क्षेत्रातील कंपन्या दरवर्षी भारत आणि चीनसारख्या देशांतील हजारो कर्मचाऱ्यांची नेमणूक करतात. त्या कामगारांना हा व्हीसा देण्यात येतो.  

अमेरिकेत H-1B बिजनेस व्हीसामुळे अमेरिकन नागरिकांच्या नोकऱ्या बाहेरील कामगार बळकावत आहेत. त्यामुळे अमेरिकेत बेरोजगारीचे प्रमाण काही प्रमाणात वाढत असल्याचे आरोप अमेरिकेतील अनेक राजकारणी करत आहेत.

नोव्हेंबरमध्ये अमेरिकेत अध्यक्षीय निवडणुका होत आहेत. फक्त दोन आठवडे शिल्लक असताना हे पाऊल अमेरिकन प्रशासनाकडून उचलण्यात येत आहे. नव्या नियमाचा भारतीय कुशल कामगार आणि देशातील विविध कंपन्यांवर परिणाम होणार आहे जे आपल्या तांत्रिक व्यावसायिकांना अमेरिकेतील साइटवर काम करण्यासाठी H-1B व्हिसावर अल्प काळासाठी पाठवले जाते.

(edited by- pramod sarawale)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune Goodluck Cafe Viral Video: पुण्यातील गुडलक कॅफेत बन मस्कामध्ये काचेचा तुकडा; खवय्यांमध्ये संताप, व्हिडिओ व्हायरल

टोमणे सहन न झाल्याने टेनिसपट्टू राधिकावर बापानेच झाडल्या गोळ्या; पोलिस तपासात धक्कादायक बाबी उघड, नेमकं काय घडलं?

PG Medical Courses: आरोग्य विद्यापीठाचे पीजी प्रवेश सुरू; तीन अभ्यासक्रमांच्या प्रवेश अर्जासाठी १३ जुलैपर्यंत मुदत

Space Technology Agriculture: स्पेस टेक्नोलॉजीमुळे शेतीत होईल क्रांती! इस्रो शिकवणार उपग्रहांचा शेतीमध्ये उपयोग, आजच करा अर्ज!

संगमनेर हादरलं! 'भूमिगत गटारात गुदमरून दोन कामगारांचा मृत्यू'; ठेकेदाराचा निष्काळजीपणा जबाबदार, नेमकं काय घडलं..

SCROLL FOR NEXT