नवी दिल्ली : बाबा रामदेव यांच्या पंतजली आयुर्वेद उद्योगाने चालू आर्थिक वर्षात एप्रिल ते सप्टेंबर या कालावधीत 3 हजार 562 कोटी रुपयांचा महसूल मिळविला आहे. कंपनीला आतापर्यंत प्रथमच पहिल्या सहामाहीत एवढे मोठे उत्पन्न मिळाले आहे. 

- 'सकाळ'चे मोबाईल ऍप डाऊनलोड करा

कंपनीने एप्रिल ते जून या तिमाहीत 1 हजार 793 कोटी रुपये आणि जुलै ते सप्टेंबर या तिमाहीत 1 हजार 769 कोटी रुपयांचा महसूल मिळविला आहे. कंपनीला मागील आर्थिक वर्षातील एप्रिल ते जून या तिमाहीत 937 कोटी आणि जुलै ते सप्टेंबर या तिमाहीत 1 हजार 576 तोटी रुपयांचा महसूल मिळाला होता.

- Exclusive : शरद पवारांनी भेटीदरम्यान मोदींना दिले पत्र; पाहा...

पतंजली आयुर्वेदने प्रथमच पहिल्या सहामाहीत एवढा मोठा महसूल मिळविला आहे, अशी माहिती पतंजलीचे प्रवक्ते एस. के. तिजारावाला यांनी दिली. दरम्यान, कंपनीने चालू आर्थिक वर्षातील निव्वळ नफा जाहीर केलेला नाही. 

- जितेंद्र आव्हाडांची 'तान्हाजी'च्या दिग्दर्शकाला धमकी, म्हणालेत...

आर्थिक वर्ष 2017-18 मध्ये पतंजलीच्या व्यवसायात घसरण नोंदविण्यात आली होती. व्यवसायातील घसरणीसाठी कंपनीचे व्यवस्थापकीय संचालक आणि बाबा रामदेव यांचे सहकारी आचार्य बाळकृष्ण यांनी नोटाबंदी आणि देशभर लागू करण्यात आलेल्या वस्तू आणि सेवा कराला (जीएसटी) जबाबदार धरले होते.

- संजय राऊत म्हणतात, हा माझा आणि माझ्या पक्षाचा अपमान