मुंबई: देशातील भांडवली बाजारात आठवड्याच्या शेवटच्या सत्रात सुरुवातीला तेजी दिसून येत आहे. शुक्रवारी सकाळीच सेन्सेक्स आणि निफ्टीच्या निर्देशांकात वाढ झाली आहे. सेन्सेक्समध्ये 132.18 अंशांनी वाढ होऊन तो 43,732.14 अंशावर गेला आहे. तर निफ्टीमध्ये 63 अंशांची वाढ झाली असून निफ्टी (Nifty) 12,835 अंशांवर गेला आहे.
सत्राच्या सुरुवातीला बजाज फायनान्स, एल अॅण्ड टी आणि टाटा स्टील मध्ये सर्वाधिक वाढ होताना दिसत आहे. तर RIL बजाज फायनान्स आणि एचडीएफसी बँकेचे शेअर्स मोठ्या प्रमाणात सक्रिय दिसत आहेत.
सध्या मोठ्या शेअर्ससह मिडकॅपच्या शेअर्समध्येही वाढ होताना दिसत आहे. BSEचा मिडकॅप निर्देशांक 0.83 टक्के दराने व्यवहार करत आहे. स्मॉलकॅपच्या शेअर्समध्येही मोठी खरेदी होत आहे. बीएसईचा स्मॉलकॅप निर्देशांक 0.67 टक्के दराने व्यवहार करत आहे. तेल-वायूच्या शेअर्समध्येही आज खरेदी दिसून येत आहे. बीएसईचा तेल आणि वायू निर्देशांक 0.74 टक्के दराने व्यवहार करत आहे.
गुरुवारी घसरणीने बाजार बंद झाला होता-
गुरुवारी भांडवल बाजारात शेवटी मोठी घसरण झाली होती. सेन्सेक्स 580.09 अंशांनी म्हणजे 1.31% घसरून 43,599.96 अंशांवर स्थिरावला आणि निफ्टीचा निर्देशांक 166.60 अंशांनी घसरून 12,771.70 अंशांवर स्थिरावला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.