कालच्या मोठ्या तेजी नंतर आज सकाळी शेअर बाजारात मोठी अस्थिरता दिसून आली होती. सुरुवातीला शेअर बाजारमध्ये घसरण दिसून आली पण बाजार बंद होताना मात्र बाजार सावरल्याचं चित्र दिसून आलं आहे. आज बाजार बंद होताना निफ्टीमध्ये 12 अंकांची वाढ झाली. तर सेन्सेक्समध्ये 0.06 टक्क्यांची वाढ होऊन तो 60,298 अंकांवर वधारला. तर निफ्टीमध्ये 0.07 टक्क्यांची वाढ होऊन तो 17,956 अंकांवर वधारला आहे.

आज सकाळी शेअर बाजारात सुरुवात झाली तेव्हा सेन्सेक्समध्ये 150 अंकांची घसरण दिसून आली होती. तर, निफ्टीमध्ये घसरण दिसून आली होती.

त्याचबरोबर आज कोटक महिंद्रा कंपनीच्या शेअर्समध्ये 3.52 टक्क्यांची वाढ झाली आहे. त्या खालोखाल लार्सेन कंपनीच्या शेअर्समध्ये 2.09 टक्क्यांची वाढ झाली आहे. तर ओएनजीसी कंपनीच्या शेअर्समध्ये 2.94 टक्के तर डॉ. रेड्डीज लॅब्सच्या शेअर्समध्ये 2.10 टक्क्यांची घट झाली आहे