आज शेअर बाजारातील तेजीला ब्रेक लागला आहे. राष्ट्रीय शेअर बाजाराचा निर्देशांक निफ्टी आणि मुंबई शेअर बाजाराचा निर्देशांक सेन्सेक्स या दोन्ही निर्देशांकात घसरण नोंदवण्यात आली आहे. राष्ट्रीय शेअर बाजाराचा निर्देशांक निफ्टीमध्ये १०अंशांची तर मुंबई शेअर बाजाराचा निर्देशांक सेन्सेक्समध्ये ११२ अंशांची घसरण सकाळच्या सत्रात दिसून आली. सेन्सेक्स ३२,११७ अंशांच्या पातळीवर व्यवहार करतो आहे. तर निफ्टी ९,४९४ अंशांच्या पातळीवर व्यवहार करतो आहे.
शेअर बाजारात नफावसूली झालेली दिसून आली. त्याचबरोबर आयटी, फार्मा, धातू क्षेत्रातील कंपन्यांच्या शेअरमध्ये मात्र तेजी दिसून आली. विप्रो, भारतीएअरटेल या कंपन्यांच्या शेअरच्या किंमतीत वाढ झाली आहे.
निफ्टी बॅंक आणि निफ्टी ऑटो निर्देशांकांमध्ये मागील तीन दिवसांपासून असलेल्या तेजीला काहीसा ब्रेक लागला आहे.
औषधनिर्माण कंपन्यांच्या शेअरच्या किंमतींनीसुद्धा उसळी घेतली आहे. कोळसा, ऊर्जा क्षेत्रातील कंपन्यांच्या शेअरच्या किंमतीतसुद्धा वाढ झाली आहे.
कच्च्या तेलाच्या किंमतींमध्येही घट नोंदवण्यात आली आहे. आंतरराष्ट्रीय बाजारात कच्च्या तेलाच्या किंमतीतसुद्धा घसरण झाली आहे. एमसीएक्सवर कच्चे तेल २४६१ रुपयांच्या पातळीवर व्यवहार करते आहे.
तर डॉलरच्या तुलनेत रुपयाच्या मूल्यात मात्र थोडी घसरण झाली आहे. डॉलरच्या तुलनेत रुपया 0.२४ रुपयांनी घसरला आहे. आंतरराष्ट्रीय चलन बाजारात डॉलरच्या तुलनेत रुपया ७५.५० रुपये प्रति डॉलरवर व्यवहार करतो आहे.
* सेन्सेक्स ३२,००० अंशांच्या पातळीवर
* निफ्टी ९,४९४ अंशांच्या पातळी खाली
* निफ्टीमध्ये १० अंशांची घसरण
* सेन्सेक्समध्ये ११२ अंशांची घसरण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.