आज आठवड्याच्या सलग दुसऱ्या दिवशी शेअर बाजाराने तेजी दाखवली आहे. राष्ट्रीय शेअर बाजाराचा निर्देशांक निफ्टी आणि मुंबई शेअर बाजाराचा निर्देशांक सेन्सेक्स या दोन्ही निर्देशांकात वाढ नोंदवण्यात आली आहे. राष्ट्रीय शेअर बाजाराचा निर्देशांक निफ्टीमध्ये ७२ अंशांची तर मुंबई शेअर बाजाराचा निर्देशांक सेन्सेक्समध्ये २५१ अंशांची उसळी सकाळच्या सत्रात दिसून आली. सेन्सेक्स ३०,८२६ अंशांच्या पातळीवर व्यवहार करतो आहे. तर निफ्टी ९,१०० अंशांच्या पातळीच्या वर व्यवहार करतो आहे. निफ्टी सध्या ९,००० ते ९,२०० अंशांच्या पातळीवर स्थिरावताना दिसतो आहे.
बायोकॉनचा शेअर ३६३ रुपये प्रति शेअरच्या पातळीवर व्यवहार करतो आहे. बॅंक निफ्टीमध्ये आज चांगलीच तेजी दिसून येते आहे. बॅंक निफ्टीने ५५० अंशांची उसळी घेतली आहे. याशिवाय धातू, रिअॅल्टी क्षेत्रातील कंपन्यांच्या शेअरच्या किंमतीत चांगलीच तेजी दिसून येते आहे. याउलट एफएमसीजी क्षेत्रातील शेअरच्या किंमतीमध्ये मात्र घसरण झालेली दिसून आली. फार्मा कंपन्यांमध्ये बायोकॉनच्या शेअरच्या किंमतीत १.२५ टक्क्यांची तेजी दिसून आली. याशिवाय दिपक नायट्रेटच्या शेअरमध्येही तेजी होती.
कच्च्या तेलाच्या किंमतींमध्ये काहीशी घसरण झाली आहे. आंतरराष्ट्रीय बाजारात कच्च्या तेलाच्या किंमतीत थोडी घसरण झाली आहे. एमसीएक्सवर कच्चे तेल २५६४ रुपयांच्या पातळीवर व्यवहार करते आहे.
तर डॉलरच्या तुलनेत रुपयाच्या मूल्यात मात्र थोडी सुधारणा झाली आहे. डॉलरच्या तुलनेत रुपया ०.०२ रुपयांनी वधारला आहे. आंतरराष्ट्रीय चलन बाजारात डॉलरच्या तुलनेत रुपया ७५.६८ रुपये प्रति डॉलरवर व्यवहार करतो आहे.
* सेन्सेक्स ३०,८२६ अंशांच्या पातळीवर
* निफ्टी ९,१०० अंशांच्या पातळीच्या वर
* निफ्टीमध्ये ७२ अंशांची उसळी
* सेन्सेक्समध्ये २५१ अंशांची उसळी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.