Share Market: शेअर बाजारात योग्य ठिकाणी पैसे गुंतवले तर बंपर रिटर्न मिळू शकतो. असे अनेक शेअर्स आहेत ज्यांनी गुंतवणूकदारांना चांगला परतावा दिला आहे. आज आम्ही तुम्हाला अशाच एका स्टॉकबद्दल सांगणार आहोत ज्याने गुंतवणूकदारांना तगडा परतावा दिला आहे.

देव इन्फॉर्मेशन टेक्नॉलॉजी लिमिटेडच्या शेअर्समध्ये पैसे गुंतवणाऱ्या गुंतवणूकदारांना चांगला परतावा दिला आहे. त्यांची मार्केट कॅप 239.15 कोटी आहे. देव इन्फॉर्मेशन टेक्नॉलॉजी लिमिटेडची स्थापना 1997 मध्ये झाली. कंपनी देशातील चांगल्या आयटी सेवा देणार्‍यांपैकी एक आहे. कंपनीच्या संचालक मंडळाने 11 नोव्हेंबर 2022 रोजी झालेल्या बैठकीत स्टॉक स्प्लिटची तारीख निश्चित केली आहे.

देव इन्फॉर्मेशन टेक्नॉलॉजी लिमिटेडचे शेअर्स शुक्रवारी 215.00 रुपयांवर होते. 17 एप्रिल 2017 रोजी शेअर बाजारावर 42 रुपयांवर लिस्ट झालेत, तेव्हापासून त्यांनी गेल्या 5 वर्षांत 600% परतावा दिला आहे. तर मागील 3 वर्षात या शेअरने 473% इतका मल्टीबॅगर परतावा दिला आहे आणि मागील 1 वर्षात शेअरने 194.72% इतका मल्टीबॅगर परतावा दिला आहे.

आणखी तेजीचे संकेत

यावर्षी आतापर्यंत हा स्टॉक 61.47% वाढला आहे. एनएसईवर या शेअरने 254.60 या 52आठवड्यांचा उच्चांक आणि 102.50 रुपयांचा 52 आठवड्यांचा नीचांक गाठला होता. शुक्रवारी, स्टॉक 5-दिवस, 10-दिवस, 20-दिवस आणि 50-दिवसांच्या SMA च्या खाली पण 100-दिवस आणि 200-दिवसांच्या साध्या मूव्हिंग सरासरीच्या वर (SMA) ट्रे़ड करताना दिसला.

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.