मुंबई : शेअर बाजारात चढ-उताराच्या दरम्यान खरेदी करायची असेल, तर पोर्टफोलिओमध्ये दमदार शेअर्स खरेदी करणे आवश्यक आहे. अशात शेअर बाजार तज्ज्ञ संदीप जैन तुम्हाला मदत करु शकतात. आज संदीप जैन यांनी खरेदीसाठी सुप्रीम पेट्रोकेमची (Supreme Petrochem) निवड केली आहे.

हा स्टॉक मल्टीबॅगर राहिल्याचे जैन यांनी सांगितले आणि त्यामुळेच त्यांनी हा शेअर खरेदी करायला सांगितला आहे. ही कंपनी सर्वात मोठी पॉलिस्टीरिन पॉलिमर कंपनी असल्याचे त्यांनी सांगितले. तज्ज्ञांच्या मते कंपनीच्या स्टॉकचे फंडामेंटल्स खूप चांगले आहेत. अलीकडेच कंपनीने बायबॅकची घोषणाही केली.

सुप्रीम पेट्रोकेम (Supreme Petrochem)

सीएमपी (CMP) - 876 रुपये

टारगेट (Target) - 990/1030 रुपये

कंपनीचे फंडामेंटल्स?

सुप्रीम पेट्रोकेम (Supreme Petrochem) सध्या 11 च्या पीई मल्टीपलवर स्टॉकचे व्यापार करत असल्याचे बाजार तज्ज्ञ संदीप जैन यांनी सांगितले. याशिवाय या शेअरचा परतावा 50 टक्के आहे. याशिवाय सर्वात मोठी गोष्ट म्हणजे कंपनीवर कोणतेही कर्ज नाही.

सुप्रीम पेट्रोकेम (Supreme Petrochem) हा स्टॉक वरील लेव्हल म्हणजेच 1127 च्या खाली ट्रेड करत असल्याचे एक्सपर्ट संदीप जैन यांनी सांगितले. तर जून महिन्यात कंपनीने 140 कोटी रुपयांचा नफा सादर केला होता.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.