पुणे- शहरातील अधिकतर चौक हे इंग्रजी 'T' अक्षराच्या आकाराचे आहेत.त्याठिकाणी डाव्या बाजूंनी वाहतूक सुरळीत चालू ठेवून उजवीकडील रांग इतरत्र जाणाऱ्या वाहनांसाठी तात्पुरते दुभाजक लावुन नियंत्रित केल्यास वाहतुकीचा वेग वाढण्यास मदत होईल. तसेच एखादा चौक येण्यापूर्वी १०० फूटावर सुचनाफलक लावल्यास वाहनचालकाला ते सोईचे होइल. त्यामुळे बऱ्याच अंशी वाहतूक सुरळीत होइल.

अनेक चौकामध्ये डावीकडे काटकोनात वळण असते. त्याठिकाणी जर वक्राकार वळण ठेवले तर त्याचा सुध्दा फायदा वाहतूक सुरळीत राहण्यास उपयोगी ठरेल. वाहन चालकानी लेनची शिस्त पाळली तर वाहतूक पोलिसांवरील ताणही बऱ्यापैकी कमी होइल. तरी या सुचनांचा सकारात्मक विचार व्हावा.