Akshay Tritiya 2023 Gold Buying Muhurta : आज साडेतीन शुभ मुहूर्तांपैकी एक असणाऱ्या अक्षय्य तृतीयेला सोने खरेदी करण्याला विशेष महत्व आहे. मंगलमय कार्यांसाठी हा दिवस अत्यंत शुभ मानला जातो. या दिवशी लक्ष्मी देवीची पूजा करण्याला विशेष महत्व आहे. पंचांगानुसार या वर्षी अक्षय्य तृतीयेला अनेक शुभयोग तयार होत आहेत. यावेळी कोणता मुहूर्त सोने खरेदीसाठी शुभ आहे जाणून घ्या.

अक्षय्य तृतिया शुभ मुहूर्त

यंदा अक्षय्य तृतिया दि. २२ एप्रिलला सकाळी ७ वाजून ४९ मिनीटांनी सुरू होणार असून दुसऱ्या दिवशी २३ एप्रिल सकाळी ७ वाजून ४७ मिनिटांपर्यंत आहे.

पूजेचा मुहूर्त

दि. २२ एप्रिल २०२३ ला सकाळी ७ वाजून ४९ मिनीटांपासून ते दुपारी १२ वाजेपासून २० मिनीटांपर्यंत आहे.

अक्षय्य तृतियेला बनणारे ६ शुभ योग

आयुषमान योग - सूर्योदयापासून ते सकाळी ९ वाजून २६ मिनीटांपर्यंत

सौभाग्य योग - २२ एप्रिलला सकाळी ९ वाजून २५ मिनीटांपासून ते २३ एप्रिलला सकाळी ८ वाजून २१ मिनीटांपर्यंत आहे.

त्रिपुष्कर योग - सकाळी ५ वाजून ४९ मिनीटांपासून ते सकाळी ७ वाजून ४९ मिनीटांपर्यंत.

रवि योग - रात्री ११ वाजून २४ मिनीटांपासून ते २३ एप्रिलला ५ वाजून ४८ मिनीटांपर्यंत आहे.

सर्वार्थ सिद्धी योग आणि अमृत सिद्धी योग - रात्री ११ वाजून २४ मिनीटांपासून ते २३ एप्रिलला सकाळी ५ वाजून ४८ मिनीटांपर्यंत आहे.

अक्षय्य तृतियेला सोने खरेदीचा मुहूर्त

२२ एप्रिलला सकाळी ७ वाजून ४९ मिनीटांपासून ते २३ एप्रिलला सकाळू ७ वाजून ४७ मिनीटांपर्यंत.