Buddha Purnima 2023 Shubh Yog : हिंदू कॅलेंडरनुसार, भगवान गौतम बुद्धांचा जन्म वैशाख पौर्णिमेच्या दिवशी झाला होता, म्हणून हा दिवस बुद्ध पौर्णिमा म्हणून साजरा केला जातो. बौद्ध धर्माचे अनुयायी बुद्ध पौर्णिमेच्या दिवशी भगवान बुद्धांना विशेष प्रार्थना करतात. तसेच या दिवशी अनेक कार्यक्रमांचे आयोजन केले जाते. त्याचबरोबर वैशाख पौर्णिमा ही हिंदू धर्मीयांसाठी खास असते. यावेळी 5 मे रोजी वैशाख पौर्णिमा असून या दिवशी बुद्ध पौर्णिमा किंवा बुद्ध जयंती साजरी केली जाईल. यावेळी वैशाख पौर्णिमा किंवा बुद्ध पौर्णिमा हा दिवस विशेष आहे कारण या दिवशी एक दुर्मिळ योगायोग घडत आहे.

बुद्ध पोर्णिमेला ग्रहांचा दुर्लभ योगायोग

वैशाख पौर्णिमा किंवा बुद्ध पौर्णिमेच्या दिवशीही वर्षातील पहिले चंद्रग्रहण ५ मे रोजी होत आहे. हे चंद्रग्रहण 5 मे रोजी रात्री 8.45 ते 5 आणि 6 मे च्या मध्यरात्री 1 वाजेपर्यंत राहील. त्याच वेळी, 5 मे च्या सूर्योदयापासून सकाळी 09:17 पर्यंत सिद्धी योग असेल.

या दिवशी स्वाती नक्षत्रही राहील. स्वाती नक्षत्र हे सकाळपासून रात्री ९:४० पर्यंत आहे. असा योग 130 वर्षांनंतर बुद्ध पौर्णिमेला तयार होत आहे. तर शनि स्वराशी कुंभ राशीत राहील. गुरु, बुध आणि सूर्य मेष राशीत राहतील. बुध आणि सूर्य मिळून बुधादित्य योग तयार होतील. या दुर्मिळ संयोगाचा फायदा कोणत्या राशीला होईल हे जाणून घेऊया.

मेष : बुद्ध पौर्णिमेला घडणारा दुर्मिळ योगायोग मेष राशीच्या लोकांसाठी अतिशय शुभ राहील. या लोकांचे उत्पन्न वाढेल. आर्थिक स्थिती चांगली राहील. जर तुम्हाला नोकरी बदलायची असेल तर ही चांगली वेळ आहे.

कर्क : कर्क राशीच्या लोकांसाठी हा काळ करिअरमध्ये खूप लाभदायक असेल. नोकरी शोधणाऱ्यांना इच्छित ठिकाणी बदली मिळू शकते. व्यवसाय चांगला चालेल. जुनी प्रकरणे निकाली निघतील. नशिबाची पूर्ण साथ मिळेल. (Astrology)

सिंह : सिंह राशीच्या लोकांसाठी हा काळ प्रत्येक कामात यश मिळवून देईल. नवीन संधी मिळतील. जीवनात आनंद येईल. तुम्हाला प्रमोशन मिळू शकते. उत्पन्न वाढेल. आर्थिक स्थिती चांगली राहील.