हिंदू धर्मामध्ये हातात धागा बांधण्याला विशेष महत्त्व आहे. काही विधींमध्ये हातात लाल रंगाचा धागा बांधला जातो. या धाग्याला काही ठिकाणी कलावा, माऊली असंही म्हणतात. पण दोन राशीच्या लोकांनी अजिबात हातामध्ये धागा बांधू नये. जाणून घ्या याबद्दल सविस्तर.

हा लाल धागा पुरोहितांच्या हाताने, मंत्रोच्चार करून बांधला जातो. कलावा या धाग्यामध्ये ब्रह्मा, विष्णू, महेश या तीन देवतांचं प्रतीक असलेले तीन धागे असतात. या लाल कलावाचे फायदे शास्त्रामध्ये विस्तृतपणे सांगण्यात आले आहे. पण २ राशींच्या व्यक्तींनी लाल धागा बांधू नये. (Astro Tips)

लाल धागा बांधण्याचे फायदे

• हा धागा बांधल्याने लक्ष्मी प्रसन्न होते, असं मानलं जातं.

• आर्थिक परिस्थिती कमकुवत असेल, तर ती सुधारण्यास मदत होते.

• हनुमानाची कृपा तुमच्यावर राहते.

• मंगळाचा रंग लाल आहे, त्यामुळे लाल धागा बांधल्याने कुंडलीत मंगळाची स्थिती मजबूत होण्यास मदत होते.

कोणी हा धागा बांधू नये?

मकर व कुंभ राशीच्या लोकांनी हा लाल धागा हातात बांधू नये. लाल रंग शनिदेवाला आवडत नाही. या दोन राशींचा स्वामी शनी आहे. त्यामुळे या राशीच्या लोकांनी हा धागा बांधल्यास शनिचा रोष ओढवून घेतला जाऊ शकतो. त्यामुळे धागा बांधू नये.

वरील माहिती सामान्य गृहितकांवर आधारित आहे.