पारशी समाजाच्या पारंपरिक झोरोस्टर कॅलेंडरनुसार वर्षाचा शेवटचा दिवस पतेती असतो. या दिवशी ते अहुरा माजदाचे प्रतीक म्हणून अग्नीची पूजा करतात. या उत्सवात पारशी समाजातील लोक चांगले विचार करण्याचा, चांगले शब्द बोलण्याचा आणि चांगली कामे करण्याचा प्रयत्न करतात.
भारतात १५ ऑगस्टला पतेती सण होता. तर १६ ऑगस्टला पारशी समाज नववर्ष साजरं करणार आहे. पारशी नववर्षाचा पहिला दिवस हा नवरोझ म्हणूनही ओळखला जातो. पारशी नूतन वर्षाचा आरंभ फरवर्दीन महिन्याने होतो.
झोरोस्टेरियन समुदायाच्या श्रद्धेनुसार ३००० वर्षांपूर्वी या दिवशी साह जमशेद यांनीच सर्वपर्थम पारसी लोकांनी त्याचा जलाभिषेक करून त्याला सिंहासनावर बसवले होते. जमशेद यांनीच सर्वप्रथम पारशी लोकांना वार्षिक कॅलेंडरची ओळख करून दिली होती. तेव्हापासून पारशी समाजातील लोकांनी पतेती दिवस साजरा करण्यास सुरवात केली.
पारशी समाजातील लोक दरवर्षी पतेती उत्सव मोठ्या उत्साहाने साजरा करतात. नवरोझच्या आधीचा दिवस हा पतेती असतो. या दिवशी वर्षभरात झालेल्या चूकांची, गुन्ह्यांची कबुली देऊन हा दिवस पश्चाताप करण्याचा असतो.
हिंदू धर्माप्रमाणेच पारसी धर्माचे लोकही अग्नीची पूजा करतात. हे लोक अग्नीला पवित्र मानतात आणि त्यात यज्ञही करतात. पारशी लोक या दिवशी नवीन कपडे घालतात आणि त्यांच्या पूजास्थळावर म्हणजेच अग्नी मंदिरात जातात आणि प्रार्थना करतात. त्यानंतर लोक एकमेकांमा नवीन वर्षाच्या शुभेच्छा देतात.
घरी एकमेकांना जेवायला बोलवतात. उत्सवाची तयारी महिनाभर आधी सुरु केली जाते. घरे साफ करून, फुलांनी, रंगांनी घरांची सजावट करतात, तसेच या दिवशी गोड पदार्थांचे सेवन करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.