Samudrik Shastra : घराच्या छतावर वेगवेगळे पक्षी बसणे हे फार सामान्य आहे. असे पक्षी कधी एकटे येतात तर कधी गटागटाने येतात आणि छतावर किलबिलाट करतात. काहीजणं खास पक्ष्यांसाठी अन्न आणि पाणी छतावर ठेवतात. आपल्यापैकी बहुतेकांना हे माहित नाही की आपल्या घराच्या छतावर किंवा पडद्यांवर विविध पक्ष्यांची उपस्थिती हा निव्वळ योगायोग नसून त्यामागे भविष्यात घडणाऱ्या संकेतांचे मोठे चिन्ह दडलेले असते. याबाबत सामुद्रिक शास्त्र आणि शकुन शास्त्रात सविस्तरपणे सांगितले आहे, चला त्याबाबत आज आपण जाणून घेऊया.

घराच्या छतावर या पक्ष्यांचं येणं म्हणजे या शुभ गोष्टींचे संकेत

पोपट

जर तुमच्या घराच्या छतावर पोपट येऊन बसला तर समजून घ्या की तुमच्या घरात काही शुभ कार्य होणार आहे.

घुबड

जर तुम्हाला तुमच्या घरात किंवा आजूबाजूला घुबड दिसले तर तुम्हाला आनंद होईल. वास्तविक घुबड हे देवी लक्ष्मीचे वाहन मानले जाते. अशा स्थितीत घुबडाचे दिसणे हे सूचित करते की देवी लक्ष्मी लवकरच तुमच्या घरात येणार आहे. ज्यामुळे तुम्हाला पैसे मिळतील.

चिमणी

जर तुमच्या बालकनीवर किंवा पायऱ्यांवर पक्षी घरटे बनवू लागले तर ते तुमच्या घरात आनंदाचे आगमन झाल्याचे लक्षण आहे. हे प्रतीक आहे की आता तुमचे संकटाचे दिवस जाणार आहेत आणि कुटुंबात आनंद पसरेल.

नीलकंठ

लोकांना नीळकंठ पक्षी छतावर किंवा घराच्या उंबरठ्यावर दिसणे खूप शुभ मानले जाते. हा पक्षी जगाचा संहार करणाऱ्या भगवान शिवाचे प्रतीक मानले जाते. या पक्ष्याचे आगमन हे आपल्याला वाहन किंवा मालमत्ता मिळू शकते याचे प्रतीक आहे.

कावळा

सकाळी लवकर घराच्या छतावर कावळे येणे आणि बोलणे हे सूचित करते की तुमची प्रिय व्यक्ती लवकरच तुमच्या घरी येऊ शकते. जर तो उत्तरेकडे तोंड करून बोलत असेल तर याचा अर्थ श्रीमंत व्यक्ती येऊ शकतात. पूर्वेकडे तोंड करून बोलणे म्हणजे एखाद्या प्रभावशाली व्यक्तीचे आगमन घरात होणे. (Lifestyle)

डिस्क्लेमर - वरील लेख सामान्य माहितीवर आधारलेला असून सकाळ समुह याची पुष्टी करत नाही.