Husband Wife eating in one plate : हल्ली न्यूक्लिअर फॅमिलीचे प्रमाण वाढले आहे. त्यामुळे मुलांना रूढी परंपरा शिकवणारेही राहिलेले नाहीत. त्यात दोघंच पती-पत्नी राहत असतील तर भांडी कमी भरावी किंवा वाढण्याचा कंटाळ अशा कारणाने एकाच ताटात जेवण करतात. एका दृष्टीने तुमच्यात प्रेम वाढते असे म्हटले जाईल. पण वास्तूशास्त्रात मात्र हे चांगलं समजलं जात नाही.

घरात वाढतात भांडणं

महाभारतात भीष्मांनी या विषयाचा उल्लेख केला आहे. प्रत्येक नात्याला योग्य न्याय देणे गरजेचे असते. पण जर नवरा बायको एकाच ताटात जेवले तर नवऱ्याचे बायकोवरच प्रेम वाढतं आणि घरातल्या इतरांकडे दूर्लक्ष करू लागतात. घरात वाद होतात. त्यामुळे घराची शांतता भंग होते.

चांगले वाईट ओळखू शकत नाही

फक्त पत्नीचेच ऐकणे पतीची बुध्दीभ्रष्ट करते. आणि तो चांगल्या-वाईटाचा फरक विसरतो. कुटुंब प्रमुखासाठी ही गोष्ट चांगली नाही, असे शास्त्रात सांगितले आहे. त्यामुळे संपूर्ण परिवाराने एकत्र बसून जेवण करावे. यामुळे संपूर्ण परिवारात प्रेम वाढते.