बंगळूर : कर्नाटकातील अपात्र आमदारप्रकरणी सर्वोच्च न्यायालयाने बुधवारी महत्त्वपूर्ण निकाल दिल्यानंतर विधानसभा अध्यक्षांचा अपात्रतेचा आदेश उचलून धरत न्यायालयाने सर्व अपात्र आमदारांना निवडणूक लढविण्यास मात्र पात्र ठरविले होते. अखेर या सर्व 17 अपात्र आमदारांपैकी 15 उमेदवारांना भाजपने उमेदवारी जाहीर केली आहे.

'सकाळ'चे मोबाईल ऍप डाऊनलोड करा

कर्नाटकात पाच डिसेंबरला होणारी या 15 जागांवर पोटनिवडणूक होणार आहे. बुधवारी अपात्र आमदारप्रकरणी समतोल निकाल सर्वोच्च न्यायालयाने जाहीर केला होता. बंडखोर आमदारांना अपात्र ठरविण्याचा निर्णय योग्यच असल्याचे सांगत, विधानसभेचा कालावधी संपेपर्यंत कोणतीच निवडणूक लढवता येणार नाही, अशी घातलेली अट मात्र न्यायालयाने शिथिल केली होती. त्यामुळे या निकालातून कुणाचीच निराशा झालेली नव्हती. पाच डिसेंबर रोजी होणारी विधानसभेची पोटनिवडणूक अपात्र आमदार लढवू शकतील, असेही सर्वोच्च न्यायालयाने स्पष्ट केले होते. विधानसभा अध्यक्षांचा अपात्रतेचा आदेश न्यायालयाने उचलून धरल्यामुळे अपात्र आमदार पोटनिवडणुकीत निवडून येईपर्यंत मंत्रिपद किंवा अन्य कोणतेच घटनात्मक पद स्वीकारू शकत नाहीत, असे न्यायालयाने स्पष्ट केले होते.

फडणवीसांनी दत्तक घेतलेल्या गावात शरद पवार; शेतकऱ्यांनी मांडल्या व्यथा

काँग्रेस-जेडीएस आघाडी सरकारविरुद्ध असमाधान व्यक्त करून काँग्रेसच्या 13, जेडीएसच्या तीन व केपीजेपी पक्षाच्या एका आमदाराने राजीनामा दिला होता. पक्षविरोधी कारवाया केल्याच्या आरोपावरून तत्कालीन विधानसभाध्यक्ष रमेशकुमार यांनी त्यांना अपात्र ठरविले होते. परंतु आज या 17 अपात्र आमदारांनी कर्नाटकचे मुख्यमंत्री बी. एस. येडियुरप्पा यांच्या उपस्थितीत भाजपमध्ये प्रवेश यापैकी 15 आमदारांना भाजपने उमेदवारीही जाहीर केली आहे. 

बच्चू कडू ताब्यात; राष्ट्रपती राजवटीत मोर्चाला परवानगी नाही? 

कोण आहेत हे आमदार : 
एम. टी. बी. नागराज (होसकोटे), डॉ. के. सुधाकर (चिक्कबळ्ळापूर), नारायणगौडा (केआर पेठ), एच. विश्वनाथ (हुनसूर), के. गोपाल (महालक्ष्मी ले-आउट), मुनिरत्न (राजराजेश्वरीनगर), एस. टी. सोमशेखर (यशवंतपूर), रोशन बेग (शिवाजीनगर), भैरती बसवराज (केआरपूरम), बी. सी. पाटील (हिरेकेरुर), महेश कुमठळ्ळी (अथणी), आर. शंकर (राणेबेन्नूर), श्रीमंत पाटील (कागवाड), रमेश जारकीहोळी (गोकाक), आनंदसिंग (विजयनगर), प्रतापगौडा पाटील (मस्की), शिवराम हेब्बार (यल्लापूर).