अहमदाबाद : गेल्या काही दिवासांपासून दुसऱ्या राज्यांमध्ये अडकलेल्या मजूरांना घरी जाण्यासाठी केंद्राने रेल्वे विभागामार्फत श्रमिक एक्सप्रेस गाड्यांची सोय केली आहे. मात्र, देशाच्या काही भागांत अजुनही मजूर व कामगार अडकून पडले आहेत. गुजरातमध्ये रोजगारासाठी आलेल्या परप्रांतीय मजुरांचा उद्रेक झाल्याचे आज (ता. १८) पाहायला मिळाले. त्यांनी पोलिसांवर दगडफेकही केली.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

अहमदाबादमध्ये घरी जाण्याच्या मागणीसाठी रस्त्यावर उतरलेल्या १०० परप्रांतीय कामगारांनी पोलिस आणि रस्त्यावरुन चालणाऱ्या नागरिकांवर दगडफेक केली आहे. या घटनेत दोन पोलिस कर्मचारी जमखी झाले असून जमावावर नियंत्रण मिळवण्यासाठी पोलिसांना अश्रुधुराच्या नळकांड्या व लाठीचार्जचा वापर करावा लागला.

रस्त्यावर आलेल्या मजुरांना ज्यावेळी पोलिस कर्मचाऱ्यांनी थांबवण्याचा प्रयत्न केला, त्यावेळी त्यांनी पोलिस कर्मचाऱ्यांवरच दगडफेक केली. वस्त्रापूर भागात दोन पोलिसांच्या गाड्या, एक खासगी कार्यालय, आणि कन्स्ट्रक्शन साईटची कामगारांनी नासधूस केली. यावर नियंत्रण मिळवण्यासाठी आम्ही योग्य ती पावलं उचलली आहेत. 
------
पृथ्वीराज चव्हाण यांच्याबाबत काशी विश्वनाथ मंदिराचा मोठा निर्णय
------
पृथ्वीराज चव्हाणांवर टीका करणारे आचार्य तुषार भोसले आहेत तरी कोण?
------
लॉकडॉऊन 4:0 च्या गाईडलाईन जाहीर; काय चालू, काय बंद?
-------
धक्कादायक ! ज्येष्ठ साहित्यिकाचे कोरोनामुळे निधन
-------
पोलिसांनी याप्रकरणात कामगारांना ताब्यात घेतलं असून सर्वांची चौकशी सुरु असल्याची माहिती पोलिसांनी दिली. अहमदाबाद शहरातली करोना बाधित रुग्णांच्या संख्येत दिवसेंदिवस वाढ होताना दिसत असून, आतापर्यंत ८ हजार ४२० रुग्ण सापडले आहेत. तर ५२४ लोकांना आपले प्राण गमवावे लागले आहेत. गेल्या काही महिन्यांमध्ये गुजरात सरकार व पोलिसांना परप्रांतीय कामगारांच्या रोषाचा सामना करावा लागला आहे. याआधीही सूरत, वडोदरा शहरात कामगारांनी पोलिसांवर हल्ला व दगडफेक केल्याची घटना घडलेली आहे.