नवी दिल्ली : दिल्ली विधानसभा निवडणुकीचे निकाल नुकतेच समोर आले. यामध्ये अरविंद केजरीवाल यांच्या आम आदमी पक्षाने विजय खेचून आणला. मात्र, काँग्रेसला एकही जागा मिळवता आली नाही. त्यानंतर आता काँग्रेसमध्ये खांदेपालट केले जाणार असल्याचे सांगितले जात आहे. यामध्ये अल्का लांबा यांच्याकडे दिल्ली काँग्रेसच्या अध्यक्षपदाची धुरा सोपवली जाण्याची शक्यता आहे. 

ताज्या बातम्यांसाठी डाऊनलोड करा ई-सकाळचे ऍप

दिल्ली विधानसभा निवडणुकीच्या निकालानंतर तत्कालीन काँग्रेस प्रदेशाध्यक्ष सुभाष चोप्रा यांनी त्याच दिवशी आपल्या पदाचा राजीनामा दिला होता. त्यानंतर हे पद रिक्त आहे. मात्र, आता या पदावर 'आप'मधून पुन्हा काँग्रेसमध्ये येऊन घरवापसी केलेल्या दिग्गज नेत्या अल्का लांबा यांच्याकडे दिल्ली काँग्रेसच्या अध्यक्षपदाची जबाबदारी सोपवली जाण्याची शक्यता आहे. 

दिल्लीत पुन्हा 'आप'लं सरकार; केजरीवाल यांनी घेतली मुख्यमंत्रिपदाची शपथ

कोण आहेत अल्का लांबा?

‘आम आदमी पक्षा’च्या बड्या नेत्यांमध्ये अल्का लांबा ऐननिवडणुकीत पक्षाला रामराम ठोकून काँग्रेसमध्ये सहभागी झाल्या. मतदानाच्या दोनच दिवसांपूर्वी ‘आप’ कार्यकर्त्याला कानशिलात लगावण्याचा प्रयत्न केला होता. त्यामुळे त्या चर्चेत आल्या होत्या.

चांदणी चौकातून पराभव

चांदनी चौक मतदारसंघातून दिल्ली विधानसभा निवडणुकीत अल्का लांबा उतरल्या होत्या. मात्र, त्यांचा पराभव झाला होता. 

पुणेकरांनो, शिवजयंतीच्या मिरवणुकीसाठी बाहेर पडताय? वाहतुकीतील बदल लक्षात घ्या!

2015 मध्ये विजयी

अल्का लांबा या 2015 मध्ये चांदणी चौक विधानसभा मतदारसंघातून ‘आप’च्या तिकिटावर विजयी झाल्या होत्या. त्यावेळी त्यांनी भाजपच्या सुमन कुमार गुप्तांचा दारूण पराभव केला होता. 

सुभाष चोप्रांचा राजीनामा

मी पक्षाच्या कामगिरीची जबाबदारी घेतो, आम्ही यामागील कारणांचे विश्लेषण करु, अशी प्रतिक्रिया देत सुभाष चोप्रा यांनी दिल्ली काँग्रेसच्या प्रदेशाध्यक्षपदाचा राजीनामा दिला होता.