भारतात आलेले Apple चे मुख्य कार्यकारी अधिकारी टिम कूक यांनी बुधवारी पंतप्रधान नरेंद्र मोदी यांची भेट घेतली आणि पंतप्रधान नरेंद्र मोदी यांचे त्यांच्या जल्लोषात स्वागताबद्दल आभार मानले आहेत.

या क्षेत्रात करणार गुंतवणूक

अॅपलचे सीईओ टिम कुक यांनी याबद्दल ट्वीट करत माहिती दिली आहे .पंतप्रधान नरेंद्र मोदी यांनी उत्साहात स्वागत केल्याबद्दल धन्यवाद. भारताच्या भवितव्यावर प्रभाव टाकणारा तंत्रज्ञान, शिक्षण, उत्पादकता आणि पर्यावरण या बद्दलचा तुमचा सकारात्मक दृष्टिकोन आम्ही पुढे नेऊ. आम्ही देशभरात वाढ आणि गुंतवणूक करण्यासाठी वचनबद्ध आहोत, असे टिम कूक म्हणाले आहेत.

अॅपलचे सीईओ टिम कुक त्यांच्या भारत दौऱ्याच्या दुसऱ्या टप्प्यात दिल्लीत आले आहे, जिथे कंपनीचे देशातील दुसरे अधिकृत रिटेल स्टोअर गुरुवारी लाँच केले जाईल. त्यांनी आज पंतप्रधान नरेंद्र मोदींसह राजकीय दिग्गजांची भेट घेतली. कूक गुरुवारी राजधानी दिल्लीत दुसऱ्या स्टोअरच्या उद्घाटनाला उपस्थित राहणार आहेत. त्यांनी क्राफ्ट्स म्युझियम आणि प्रसिद्ध लोधी आर्ट डिस्ट्रिक्टला भेट दिली.