Arvind Kejriwal Latest News नवी दिल्ली : दिल्लीत सुरू असलेल्या राजकीय गोंधळादरम्यान मुख्यमंत्री अरविंद केजरीवाल (Arvind Kejriwal) यांनी राजकीय परिस्थिती, ईडी आणि सीबीआयकडून आप नेत्यांवर टाकलेले छापे आणि भाजपच्या आरोपांबाबत गुरुवारी (ता. २५) सकाळी ११ वाजता आप आमदारांची त्यांच्या निवासस्थानी बैठक बोलावली आहे. यावेळी दिल्ली सरकार पाडण्याच्या प्रयत्नावर चर्चा होणार आहे.

दिल्लीत सुरू असलेल्या राजकीय गोंधळादरम्यान मुख्यमंत्री अरविंद केजरीवाल (Arvind Kejriwal) यांनी राजकीय परिस्थिती, ईडी आणि सीबीआयकडून आप नेत्यांवर टाकलेले छापे आणि भाजपच्या आरोपांबाबत गुरुवारी (ता. २५) सकाळी ११ वाजता आप आमदारांची त्यांच्या निवासस्थानी बैठक बोलावली आहे. यावेळी दिल्ली सरकार पाडण्याच्या प्रयत्नावर चर्चा होणार आहे.

उत्पादन शुल्क धोरणाबाबत उपमुख्यमंत्री मनीष सिसोदिया (Manish Sisodia) यांच्या निवासस्थानावर आणि इतर ठिकाणांवर छापे टाकल्यानंतर आरोप-प्रत्यारोपांच्या फैरी झाल्या आहे. पक्षाचे खासदार संजय सिंह यांनी पत्रकार परिषद घेऊन दिल्लीच्या आमदारांना फोडण्याचा प्रयत्न केल्याचा आरोप केला. मनीष सिसोदिया यांच्यावर भाजपने ‘शिंदे’ करण्याचा प्रयत्न केला, पण तो प्रयत्न फसला, असे ते म्हणाले.

भाजपने आमच्या आमदारांना धमकावले आहे. आमची २० कोटींची ऑफर स्वीकारा अन्यथा सिसोदिया यांच्याप्रमाणेच सीबीआयच्या खटल्यांना सामोरे जा. भाजप आमच्या २०-२५ आमदारांच्या संपर्कात असल्याचा दावा, संजय सिंह यांनी केला आहे. दिल्लीचे उपमुख्यमंत्री मनीष सिसोदिया यांनी भाजपला आप फोडून भगवा पक्षात सामील होण्याची ऑफर दिल्याचा आरोप केल्यानंतर दिल्लीचे राजकारण तापले होते.