आम्हाला पंतप्रधान नरेंद्र मोदी यांच्याकडून जाणून घ्यायचे, की हा आमच्या सैनिकांविषयी असलेला आदर आहे का? याचा अर्थ त्यांना आमच्या सैनिकांनी चार वर्षानंतर चौकीदार व्हावे, अशी इच्छा आहे, अशी घणाघाती टीका एआयएमआयएमचे प्रमुख खासदार असदुद्दीन ओवैसी (Asaduddin Owaisi) यांनी केंद्रातील मोदी सरकारच्या अग्निपथ योजनेवर केली आहे. सध्या देशात अग्निपथ योजनेला (Agnipath Scheme) विरोधी पक्षांसह तरुणांकडून विरोध केला जात आहे. पुढे ओवैसी म्हणतात, हा आदर असलेला पेशा आहे. (Asaduddin Owaisi Attack On PM Modi Over Agnipath Scheme)

मात्र भारतीय जनता पक्षाकडून त्याकडे खालच्या नजरेने पाहिले जात आहे, हे दुर्दैव आहे. इच्छुक तरुणांनी परीक्षेसाठी पात्र होण्याकरिता प्रचंड मेहनत घेतली आहे. ते हे करतात, कारण त्यांचे सरकार देशाची अर्थव्यवस्था नष्ट करित आहे. का तिन्ही सैन्य दलांच्या प्रमुखांना पुढे केले जात आहे, ती पंतप्रधान नरेंद्र मोदींच्या (Narendra Modi) मालकीचे आहेत का? असा सवाल असदुद्दीन ओवैसी यांनी मोदींना केला आहे.

काँग्रेस पक्षानेही अग्निपथ योजनेविरोधात आंदोलन करणाऱ्या तरुणांना आपला पाठिंबा जाहीर केला आहे. तसेच पक्षाच्या वतीने दिल्लीत सत्याग्रह आंदोलन करण्यात आले होते.